السلام عليكم ورحمة الله وبركاته
بسني تعبت طفرت طلعت عيوني
ربي يطلع عيون امريكا….
والله منقهره الحين شو بيرقدني اصيح …
امجع شعري…
يعني مو معقولة انا غبيه
هذا الامتحان السابع امتحنت التوفل القديم 4 مرات…ويبت 440 وما اقدر اييب اكثر
وامتحنت التوفل اليديد مرتين ودرجتي زفته مع اني شاطرة بالانجليش
واخذت دورة تحضيرية
لا حول ولا قوة الا بالله
مب حاله شو ذنبنا نحن ان اساسنا كان غلط..
يوم وصلنا الصف الرابع يعلمونا
door
window
cat
و…. a b c d e f g
شو ذنبي ان الحكومة كانت دراستها جذة
ليش الحين حاطين لنا نظام امريكي لازم اخذ التوفل عشان ادش الجامعة
مب حاله يا ناس
ليش ما يخلونا نحن حالة استثنائية
اريد اكمل دراستي لكن التوفل الله ياخذة ما اقدر اعديه
تعبت يعني ما ادرس
وانا متاكدة اقدر ادرس وانجح وهالتوفل ما اخذة
قلبي عورني بس تعبت
شو اسوي خبروني شو اسوي؟؟؟؟
الله يعينك
بصراحه ما بعرف شو قولك…بس ما دام لازم و متطلب
اساسي شدي حيلك و نصيحه مني حلي اكبر عدد ممكن من
النماذج كنوع من التدريبات و توكلي على رب العالمين
بالتوفيق ان شا الله
حليت يا اختي حليت يا سيما اكثر من ما تتصورين
كل نماذج الكتاب حليتها وتدربت كثير … واخذت دورة….
ولكن الامتحان بعد كان غير… وحسيت اني حليت زين…
الله كريم الله كريم
مشكورة الغالية…
و عليج بالكتب الي فيها نماذج متوفره وايد في المكتبات الكبيره …. حلي كثر ما تروميــــــن و بعد انصحج تدخليـــــــن معهد لانهم يقدرون يراونج الطريقه الافضل للحل…
المشكله انج تتعلميـــــــن كل شي في التوفل و بعد ما تقدر تعدي.. انا استوالي نفس الشي قدمت مره و يبت 470 و بعد ما حليت النماذج و عرفت الحيله يبت فوق ال500…
الله يوفقج
اختي التوفل سهل بس يباله تنظيم وقت يعني لازم تتعلمين الطريقه الافضل لحل الاسئله لنه احنا دايم انركز على الاسئله الغير مهمه و نخلي الاهم .. و اسئله القصص افضل شي لازم تقرين الاسئله قبل الparagraph
بعدني ماعرفته ولا ابي اعرفه
ههههههههههههههه
والله يعينج
احسن لك يا اخوي
والله احسن لك
والله المستعان
الله يكون بعونك
وكل زمان له علمه وبعدين نقول لو ما درسونا هل الشيء
بس انا مع نصيحه انك تأخذين الأيلس
وربي يوفقك دوم اختي