كثيرا من الشباب.. لايرغب الزواج من (الفتاة المتدينة) المحترمة ويتخيلون انها لاتملك نعومة
ولا انوثة ولا عواطف ولا رومنسية وانها متحجرة ومتأخرة ولا تعترف بالموضة وغير جذابة ..
واصبح هاجسهم الفتاة التى تتغنج وتتمايل ومنفتحة
وهاجسهم الاكثر شبيهات المغنيات والممثلات وفتاة الكليبات ومن على شاكلتهن .. وللاسف
نسوا دينها وخلقها ..
كثيرا من الفتيات .. لاترغب الزواج من ( الشاب الملتحى الملتزم ) دينيا الذى لايعرف أسماء
المطربين والاغانى المشهورة ولا الموضة ولاأسماء وأنواع العطور ولا يرغب بخروج الفتاة
الى الاسواق الا للضرورة ومتحشمة من راسها الى ارجلها ولا يعترف بدلع
الزوجة واغراها باللبس .. واصبح هاجسهن بالشاب ( الانفتاحى الديمقراطى) بكل ماتعنى
الكلمة ويحب السفر وتدليع الزوجة ..الخ
اخوانى واخواتى …
هل تتنازل الفتاة عن حياؤها واخلاقها … حتى يرغبها الشباب ؟؟
هل يتنازل الشاب الملتزم ويصبح ديمقراطى .. حتى يرغبنه الفتيات ؟؟
المسألة تعتمد على الشخصية الداخلية وليس بالمظهر الخارجي
لكن للأسف البعض يقول لو خذيت وحده متدينه بتنكد علي عيشتي و بتشوف تصرفاتي كلها غلط و ما بتخليني اشغل اغاني فالسيارة و بتشوف اخوات زوجها صايعات
والبعض من النساء يقولون انه راح ينكد عليها عيشتها و بتنحرم من طعم الحرية لو تزوجت المتدين وبيمنعها من السفر و الاعراس و الاختلاط
للأسف .. الاسراف و التشدد في الدين سلاح ذو حدين
ان استهتر فيه الشخص فقد ضل
وان تشدد فيه الشخص فقد ظلم نفسه واهله
شي ناس تتحرا التدين هو اعفاء اللحيه بس!!!!!!!!! او لبس النقاب وبس!!!!!!! وطبعا اعفاء اللحيه سنه من سنن الرسول عليه الصلاه والسلام اللي امر الناس بها …… والحجاب من الواجبات الشرعيه اللي كانو عليه السلف من امهات المؤمنين رضوان الله ومن تبعهم.
التدين هو عباده الله على علم.. فالانسان يوم يتدين ويعفي اللحيه وطبعا هالشي هو الخير كله ونسال
الله بانا نكون من اهل الخير ويسامحنا عالتقصير لابد انه بعد ياخذ من كل جانب بالدين غير اللحيه…وطبعا
اهم شي هو العلم…والانسان العالم والفاهم يعرف انه حسن الخلق من اخلاق المؤمنين من عهد الرسول
عليه الصلاه والسلام الى يومنا الحالي…اغلب الناس تشوف بعض الجهله اللي يربون
اللحى وهم والعلم عند الله يمكن جزء من القران ما يحفضون ومعاملتهم للناس سيئه وصدورهم دوم ضيقه
واخلاقهم تعبانه وصوتهم عالي ان تكلمو ويفتون بلا علم ويعممون على كل الملتحين الملتزمين
فكرتهم السيئه بسبب هالفئه البسيطه الجاهله. المؤمن الملتحي الحق تلاقي ويهه
منشرح وتحس بنور بويه وتحس انه ينحب من نظره وحده واللحيه تحس انها زادت في حلاه الف مره والابتسامه ما تفارقه وتتمنى لو انه لك نصيب من
اللي له من الخير اللي هو فيه..تغبطه غبطه المسلم.
وكذالك خواتي المؤمنات المنقبات. تسير كل مكان وما تلاقي الا نظره الاحترام لها. نظرتها دوم لتحت وكانها
اروحها بهالكون مالها حايه بحد.ومعاملتها للكل طيبه.
المتدين والمتدينه دوم سوالف وعايشين هالحياه ومماشين التطور بس ما يتعدون الحدود اللي الله سبحانه
وتعالى منعهم من انهم يتجاوزونها بكل بساطه نحن مرات بجهلنا كذالك نعتبر الالتزام تخلف وهالشي خطير.
وهاي مشكله اللي يريد وحده شرات اللي بالاغاني عسب يكمل حياته عندها….والصراحه اغلب لشباب
يوم وقت الجد بعد الاصل يبون وحده يقدرون انهم يثقون بها…قليل ما شفت واحد بغا ملكه جمال …يمكن
عند الغلط الانسان يدور الجمال..لكن بالارتباط الاحظ بانهم يركزون بالاشيا الضروريه لتنشأت عايله كريمه.
فالدين مع العلم يزين الانسان ويزرع المحبه لراعيه بقلوب لغير.
واسال الله بان كلامي ما يكون حجه علي لانا مقصرين.
ان اصبنا فمن الله وان اخطأنا فمن الشيطان وانفسنا.
اشكركم اخواني على ردودكم بس كل واحد له وجهه نظر وطبعا انا احترمها بس هاي وجهت نظري اللي انا اشوفها !
بس نبقى اخوان وخوات مهما اختلفت الاراء
مثل ما قلت فوق
يعتمد على الشخصية
المتدينة الي تحب الموضة بتتزين وتتعدل حق زوجها وعند الحريم بس الدين اللهم يعطيها حدود معينة ما تتخطاها
اما الي موب متدينة تلاقينها تتساهل شوي خاصة اذا ما لقت احد يمنعها
__________________
فديتج ..
أدري إنج ماعممتي ..
__________________