كثيرا من الشباب.. لايرغب الزواج من (الفتاة المتدينة) المحترمة ويتخيلون انها لاتملك نعومة
ولا انوثة ولا عواطف ولا رومنسية وانها متحجرة ومتأخرة ولا تعترف بالموضة وغير جذابة ..
واصبح هاجسهم الفتاة التى تتغنج وتتمايل ومنفتحة
وهاجسهم الاكثر شبيهات المغنيات والممثلات وفتاة الكليبات ومن على شاكلتهن .. وللاسف
نسوا دينها وخلقها ..
كثيرا من الفتيات .. لاترغب الزواج من ( الشاب الملتحى الملتزم ) دينيا الذى لايعرف أسماء
المطربين والاغانى المشهورة ولا الموضة ولاأسماء وأنواع العطور ولا يرغب بخروج الفتاة
الى الاسواق الا للضرورة ومتحشمة من راسها الى ارجلها ولا يعترف بدلع
الزوجة واغراها باللبس .. واصبح هاجسهن بالشاب ( الانفتاحى الديمقراطى) بكل ماتعنى
الكلمة ويحب السفر وتدليع الزوجة ..الخ
اخوانى واخواتى …
هل تتنازل الفتاة عن حياؤها واخلاقها … حتى يرغبها الشباب ؟؟
هل يتنازل الشاب الملتزم ويصبح ديمقراطى .. حتى يرغبنه الفتيات ؟؟
اسمحولي لكل من قال
احسبه انسان عصبي -غير متفهم ويفتقد المزاح والضحك في حياته
و
بس بعد ما اقدر اقولك كل وحده ملتزمه اتعرف بالموضه ومهتمه بعمرها لاني اغلب اللي اشوفهن ( احسبهن دفشات ) وفي الطرف الاخر مب كل وحده مب محتشمه اتعرف بالموضه
انتو فاهمين الموضوع غلط بغلط
شوفوا اصابع ايدكم
والله في ناس فكاهيين بالدرجة الاولى
وفي بنات ماشين لما بعد الموضه
ناس وناس
مثل ما ان الناس العاديين فيهم جي وجي
حتى الملتزمين
و الله يهدينا
بالعكس يا اختي اتقبل رايج وبصدر رحب
واسفه اني اقول عنهم ها الكلام بس انا ما عممت عليهم بس ها اللي شفته من بنات اتعايشت وياهن ايام الكليه بعد
وجهة نظر واحترمها من صوبج انتي اختي ومالي غنى عنج
__________________
هالي إنتي شفتيهم اختي .. وطبعاً مب الكل مثل ماتفضلتي
لأنه انا شفت بنات ملتزمات بالعكس عاطفيات ومب دفشات من يسمعون محاضره أو قصة عن حب الله أو رسوله أو غيره تلقين تأثرهم السريع وعبرتهم فعيونهم .. وهاي يعني مب عاطفة ؟؟
ولا لازم تنزل دموعهم ع مسلسل تركي أو كلمات إغنية حزينه عشان نقول عاطفيات !!
احس بهم مثل النسمة تمشي ع الأرض هذا وبدون أي مبالغة
وهالي شفته انا من واقع حياتي ..
والسموحة الغاليه ما أقصد أهاجمج بردي وأدري ماتكلمتي عن العاطفة
بس هالي طلع وياي وانا أكتب شنسوي ..
ربي يحفظج ..
__________________
خله يدور ع الي من ثوبه و لا يقرب صوب المتدينات
لأنه هم أساساً مايتشرفون بـ “زوج“ تفكيره وضيع مثله ..
يعني الي تلبس عباه راس ونقاب وقفازات لو عقت هذا كله مابتكون حلوة ؟
ولا لازم تكون حلوة ع المكشوف ؟؟
ربنا ما خص الجمال بـ “الغير متدينات“ عشان نقول المتدينة مب جميلة !!
هذا لو بنتكلم عن الجمال الطبيعي بعيد عن أصباغ الويه ..
والأهم و هو الشي الي أنا آمن فيه
إنه يوم تحب شخص تشوفه بعيون قلبك فـ تشوفه جميييل حتى لو ماكان كذلك ..
لهالسبب يقولون الجمال جمال الروح ..
هذا عن الجمال أما العاطفة و الرومنسية و الأنوثة
يمكن ما يا الوقت عشان تظهرهم .. يمكن يوم تعرس تظهرهم لـ ريلها لأنه هو الأحق بها !!
حرام صراحة اضايقت من هالإتهام وهالنظرة لهم .. بالعكس المتدينه دايماً لها احترامها
ومكانتها وسمعتها الطيبة ..
وبعدين يعتمد ع الشخص هو شو يبغي مظهر ولا جوهر
و أهم شي “الدين و الخلق” مثل ما وصانا الرسول عليه الصلاة والسلام
مب الموضة والجمال و هالاشياء الفانية .. ترى فالنهاية عيالها شو بياخذون منها غير تربيتها ؟؟
وبالنسبة لسؤالك ترى مايحتاي إجابه هذا لو كان موّجه لـ متدينه راعية دين وخلق ..
لأن حياؤها و أخلاقها ذاتهم هم الي بيمنعونها تتنازل عنهم لأجل “رغبة شاب بها“
أما الملتزمين فمادري !!
خل الشباب يتكلمون عن أصحاب جنسهم ..
موضوع مهم
بس في وجهة نظري
الريال اللي ملتحي واسفه على ها الكلام
احسبه انسان عصبي -غير متفهم ويفتقد المزاح والضحك في حياته
ومر علي كمن موقف بصراحه دايما اشوفهم في اي مكان معصبين ويحرجون زوجاتهم جدام الناس !
ها اللي اشوفه من واقع الحياه
اما عن السؤال الاول وهو
هل تتنازل الفتاة عن حياؤها واخلاقها … حتى يرغبها الشباب ؟؟
لا طبعا – اللي تتنازل عن حياؤها من كفؤو اتكون مسؤوله عن بيت وعيال يعني هاي مش كما يسمونها مربية الجيال
حلو تاخذ الوحده اللي مربايه على السنع بيت اهلها
والسؤال عن الملتزمه واخبار الموضه :مب شرط اتكون ملتزمه يعني ما تعرف باخبار الموضه اللي مهتمه ما يحتاج حد يعلمها بتحصلها تركض واتشوف شو اخبار الموضه
بس بعد ما اقدر اقولك كل وحده ملتزمه اتعرف بالموضه ومهتمه بعمرها لاني اغلب اللي اشوفهن ( احسبهن دفشات ) وفي الطرف الاخر مب كل وحده مب محتشمه اتعرف بالموضه
يعني ياما انشوف اللي كاشفات ومتبرجات ويوم تتقرب منها تفتقد لابسط شيء من النظافه الشخصية
موضوع جميل اتمنى من الكل مناقشته
وشكرا اخوي