السلام عليكم
اليوم تــم مخالفتي ع سبه اني مركب عازل حراري شفاف .. ماله لون ولا طعم ولا رائحه 
ابا اعرف على اي اساس يعتبرون العازل شامل !!
قلت للشرطي هذا عازل حراري (( شفاف )) قال منو قالك !!
يستهبل عليه !!
قلتله الشغله ما يبالها ذكاء .. اولا ماله لون لأنه شفاف ويخفف من اشعه الشمس الي تدخل السياره
واي شخص خارج السياره يقدر يشوف السائق ولي معاه فالسياره
قال لا .. هذا نعتبره شامل !!
…
3 سنوات وانا مركبه واكثر عن 50 مره خطفت من نقاط التفتيش .. ولا واحد قالي هذا مخالف للقانون !!
للعلم
هالشرطي قدام عيني ما خلى موتر ما وقفه على اتفه الاسباب خالفهم
حتى مخالف عيوز كبيره فالسنه وحليلها عصبت عليه وقالتله اكتب المخالفه
لو خالفني ع سبه حزام الامان مثلا .. بقول صحيح انا استاهل المخالفه .. لاكن على عازل حراري !!
اترك التعليق لكم
(( الشرطي خليجي ))
بالنسبه لموضوعك انا متأكد 100% لو رحت نيابه المرور واعترضت على المخالفه وعطوك موعد لجلسه مع القاضي تقدر تكلمه وراح يسامحك ويلغي المخالفه …. طبعا هناك مده 7 ايام للاعتراض بعدها مالك حق ….
إذا لم يطبق القانون على الكل وبدون استثناء
صعب أن يلتزم فيه الجميع
يعني إنت تمشي في الشارع وتشوف واحد عدالك ضارب عاكس على زجاج السيارة كلها ويطوف عدال الدورية ولا حد يقوله شي
ما تتوقع انهم بيخالفونك اذا ركبت عازل حراري شفاف على الجامة الامامية
خصوصاً إن العازل الشفاف لا يقارن بالمخفي العاكس
إذا كانت القوانين والدراسات لحماية السائق
فمن باب أولى أن تطبق على الجميع لحماية الجميع
أما ناس وناس
أكيد بتحصل حد بيقول : لييش ؟
اي مخالفة مخفي اذا كان التلوين زايد وخالفك عليها بدون جهاز فحص نسبة التلوين تقدر تلغيها الشرطي مب من حقه يخالف من مجرد النظر لازم الجهاز يكون موجود عنده واذا خالفك تنلغي على طول بس راجعهم للتوضيح فقط بس مخالفة المخفي حضوريا يعني توقيعك عليه اما الحزام يقدر يخالفك غيابي .