السلام عليكم
اليوم تــم مخالفتي ع سبه اني مركب عازل حراري شفاف .. ماله لون ولا طعم ولا رائحه 
ابا اعرف على اي اساس يعتبرون العازل شامل !!
قلت للشرطي هذا عازل حراري (( شفاف )) قال منو قالك !!
يستهبل عليه !!
قلتله الشغله ما يبالها ذكاء .. اولا ماله لون لأنه شفاف ويخفف من اشعه الشمس الي تدخل السياره
واي شخص خارج السياره يقدر يشوف السائق ولي معاه فالسياره
قال لا .. هذا نعتبره شامل !!
…
3 سنوات وانا مركبه واكثر عن 50 مره خطفت من نقاط التفتيش .. ولا واحد قالي هذا مخالف للقانون !!
للعلم
هالشرطي قدام عيني ما خلى موتر ما وقفه على اتفه الاسباب خالفهم
حتى مخالف عيوز كبيره فالسنه وحليلها عصبت عليه وقالتله اكتب المخالفه
لو خالفني ع سبه حزام الامان مثلا .. بقول صحيح انا استاهل المخالفه .. لاكن على عازل حراري !!
اترك التعليق لكم
(( الشرطي خليجي ))
صدق للحين المخالفات في أبوظبي 10 آلاف للمخفي
لأنها مرسوم؟
للاسف مخالفة المخفي بقية على حالها(10000) مثل ماقال احد الاخوان جزاه الله خير (هذا مرسوم اميري وماله خص في الاتحادي هذا محلي) انتبهوااا ياشباب
ماله شغل وين اشتغل ياخوي .. الحق حق
شركة v cool تركب العازل حتى على الزجاج الأمامي الفرق انهم يركبون ستيكر الشركة على الجامة (يعني قانوني) سعرهم من 700 الى 2000 درهم وفي الشارقة شركة solar gurad ارخص بس فيكوول كان يستخدم في صواريخ ناسا
شكلك تشتغل في وزراة الداخلية