السلام عليكم
أنا حاب أشتري بلاك بيري…بس مب عارف شو الأحسن في خدمة الانترنت…هي دو أو اتصالات…
يعني منو الي خدماته أحسن و ما يعلق و أرخص و أي ميزات ثانيه اذا في.؟؟ و نشتري من المحلات أحسن و الا من دو و اتصالات؟
و الي يعرف لا يبخل علينا بمعلوماته القيمه
و يزاكم الله ألف خير
نحن بالخدمه يا مخاوي شيوخ ^_^
والله تسلمون عالمعلومات الحلوه….بصراحه كفيتي و وفيتي يا مجاريج دبي…. و ان شالله في ميزان حسناتج
موفق بإذن الله … لك مني أجمل تحية .
وعندك خبيرة Bb ( مجاريح دبي ) خذ من عندها احسن تضمن لك التلفون وانته وكيفك
اخوي اذا تقصد الموبايل نفسه ( محلات او دو او اتصالات كله واحد ونفس الكواليتي وماشي اي فرق الا فروقات بسيطه ) وهي :
2- موبايل اتصالات الكيبورد ماله يتكون الاحرف العربيه باللون الاصفر و الاصلي ( حفر مب ليزر ) بعكس موبايلات المحلات يسوولك اياه ليزر وشي بعضهم يحطون الاصفر وبعضهم يحطولك الابيض .. واذا فكرت تاخذ مال محلات غير الكيبورد الى الكيبورد الاصلي بـ 150 درهم تقريبا واحذر اذا بتبدل الكيبورد لا تسير اي محل لانه بيقولك اصلي وهو مب اصلي ..
4- موبايل اتصالات اول ما تشغل الموبايل و الخلفية لوقو اتصالات ونغمة اتصالات تكون في التلفون , بعكس موبايلات دو ماشي من اللي ذكرته , ومال محلات شي منهم تطلع علامة T-mobile او Steco وانا انصح اذا من المحلات تاخذ مال T-mobile .
3- موبايلات المحلات بعضهم يأتي حرف Y بدال حرف Z يعني يوم تدق الحرف Y يطلعلك Z والعكس . وانما مال اتصالات كل شي تمام والاحرف كلها في مكانها الصحيح .
4- تبا نصيحتي اذا توك في عالم الـ BB خذلك مستعمل مال محلات لانه هو نفسه نفسه اللي عند اتصالات او دو وكما قلت فروقات بسيطه اللي ذكرتها وانمها المحتوى والسرعات والاوبشن نفسه فـ خذلك شي رخيص افضل .
5- شي مال محلات صناعة HUNGARY 1 و HUNGARY 2 و MEXICO . طبعا افضل واحد HUNGARY 1 وبعده MEXICO لكن HUNGARY 2 انساه لانه الفيرجن يكون قديم .
5- للعلم فقط ضمان اتصالات ما عندهم قسم لصيانه موبايلات البلاك بيري , فضمانهم فقط يشمل ( السوفتوير ) فقط !! والسوفتوير موجود في كل المحلات واذا عندك كيبل والسيدي تقدر تسويه في الموبايلات وبلا ضمان وبلا كلام فاضي .
6- مال محلات ومال دو او اتصالات مافيهم عيوب مثل انه يعلق او غيره كله واحد وعلى حسب الاستخدام ..
7- اذا بتاخذ اتصالات من محلات تأكد من براغي الموبايل , شي برغي واحد يكون مغطى بطبقه باللون الابيض , اذا ما شفت هالبرغي يعني الموبايل مفتوح او الموبايل بدون ضمان وغاشينك ة 90% في المحلات يقولولك ضمان اتصالات ويطلع كله جذب ..
8- من حيث المقارنه بالشبكه لاتصالات او دو .. انا شخصيا انصح بـ اتصالات لانه تقدر تستخدم بطاقه مدفوعه بعكس دو اللي لازم تاخذ فاتوره والشبكه لا تعليق انته ادرى ..
9- موبايل البلاك بيري الصراحه من الموبايلات القويه جدا وما يخترب الا اذا طاح في الماي او فريته على الارض بالقو , انا عندي مال اتصالات ومال محلات و 24 ساعه استخدام والحمدلله ما يشكون باس , فـ الضمان صدقني ما يفيد ..
10- من حيث الاسعار اتصالات بـ 2480 ( اقدر اييبلك اياه ارخص ) .. دو بـ 2799 ( اذا عندك حد يداوم في دو او شركات بترول يقدر اييبلك خصم حلو ) .. مال محلات اذا كيبورد عربي اصلي بـ 2100 الى 2200 . واذا الكيبورد الابيض العادي فسعره من 2000 درهم الى 2100 درهم واذا بضمان وكيبورد اصفر بـ 2200 الى 2300 درهم
وشكرا ^__^
اخوي خذ من محل ارخص واحسن
الاتصالات تسوي عليه ان لووكد يعني ماتشتغل عليه غير بطاااقه الاتصالاات
اما المحلااات يشتغل عليه البطاقييتن