مساكم الله بلخير … للجميع …
استويت اكره الطلعه من البيت … واسبب … العجايب والغرايب اللي اشوفها في المولات …
عزمنا البارحه انا و 2 من ربيعاتي … نسير نسوي shopping في المارينا مول 
واخترنا فترة الناس يوم بتكون في الدوامات على اساس ماشي زحمة … 
لكن طلع العكس شكلهم محد كان مداوم 
واول ما دخلنا سيــــــــــــــــــــــــــــــــــده ندور شي ناكله لانه اليوع كافر 
… ونحن ناكل الستارتر … والا يدخل واحد ووياه ثنتين … قسما بالله اللي يشوفهم يقول هنــــــــــــــــي الحشمه … وانا اقولهم حليله يايب خواته يغديهم 
<<< اخو مثالي … لوووووووووول
لكن الصدمه انهن طلعن من حثاله المجتمع … مغ… …. طبعا انا هني 
لانه يقولون بنات البلاد فيهن وفيهن …. وهالي يستعربن للاسف يربعون ورااااااااهم ويذل عمره عشانهم … فضل عنهن …. وكانت ربيعتيه عادي بسير بضارب … قلتلها يلسي كفايه جوازج محجوز شو تبين بعد تنسجنين.. << اشوارها موديتنها في ستين داهيه … المهم طول الوقت ونحن ناكل ونسبهم … ولااااااااااااا والقهر انهم يطالعون كل اللي يالسين عطاوله بحتقاااااااااااااااااااااااااااااااااااار … يعل عينهن الجد
طبعا انا يلست وعاطنهم ظهريه عشان يوم اشوف المنظره تعكس عليهم …. لدرجه انه عادي كان بيبوسها جدام الناس 
كنت عادي اسير واصمه طرااااااااااااق قليل الادب … ماشي احترام ولا تقدير للي يالسين في هالمكان … للعلم كلنا اللي يلوس في المطعم حريـــــــــــــــــــــــــــــم الا هو ديج بينا …
وعقب ما خلصنا قمنا نخلص اشغالنا وكل ما ندخل محل انصدم بلاشكال زياده
المشكله في بلادهن ما يعرف اسم العباه والشيله وهني لاعبات لعبتهن لااااااااااااابركتن فيهم
مافي اي احترام …. المهم ونحن في زارا دورنا انه نحط اغراضنا ويت وحده من هالاشكال اونه تبا تدفع قبلنا
طبعا ما خلينها والا تحتشر واضارب … قلنالها بضاربين من اليوم لين باجر ما بتحاسبين قبلنا لازم تحترمين اللي جدامج …. وحتى اللي في الكاشي قالها ما بحاسبج لين ما اخلص منهم … وام اسعف والليف اضارب انا مواطنه وانا مواطنه … قلتلها انتي مواطنه … نحن شو عيال البطه السودا… يا السباله … قلتلها خس الله التوطين اللي عطوج اياه… وضاربت واتصالاتها ما وقفت مادري حق منو من هواميرها تتصل عشان يمشيلها الموضوع ويخليها اتحاسب قبلنا ضاربت واحتشرت وفي النهايه نحن حاسبنا وهي فرت الثياب وروحت جنقليه .. وللاسف انه المول كان متروس من اشكالهن … وللاسف عنا بعض من الشباااااااب
يربعون وراهم مثل الثيران ….
واخر شي صدمني يوم يت بسحب فلوس من الصرافه … كان جدامي واحد … المهم بعد ما خلص … حط ورقته فوق على اساس شوفووووووووووني عندي 100 الف في رصيدي … ضحكت عليه … قلت في خاطريه الحمدالله والشكر
طلعت من المووووووووووووووول وانا رااااااااااااااااااااااااسي واااااااااااااااااااااااااااااااااااااااااااارم …
هههه ماعتقد الدولة بتنزل عليها الوحي وبتتغير الامور .. جذا وبتم جذا .,… دام في حشيمة لازم في فسق دام في خير لازم في شر .. لاتسون لاعماركم سالفة وقضية ترا مافي امل فـــ استريحو يعني …..
وبخصوص كاتبة الموضوع هذاك مكان عام فـ ماتقدرين تمنعين هالشي دامت السلطات مامنعته .,.. وكان الافضل لـج تيوزين من هالامكان بدل ماتسبينهم هني ومافي حد يعرف بالفسق الي يصير ف المولات x والدولة اعطت الحرية للاشخاص يعني دام الطرفين راضين .. شو بتسوين؟ .. هو ما اجبرها هي من نفسها معاه !! ولا هي اجربته .. فالطرفين راضين لهذا الشخص الي مايحب يشوف هالمناظر الافضل له يكون بعيد .. بدل ما يقعد يسبهم ع الفاضي لان السب مابتحل القضية دامت الحكومة ماقدرت تحلها هه
جاو
والله ياختي شو اقولج
امس انا كنت فبوظبي مول
تفاجأت زوجتي بصديقتها تكلم واحد وتحركو
يعني جدام خلق الله الترقيم
عيني عينج
وهي تقولي ان البنت كانت خلوقة ومأدبة
ما يندرى الدنيا شو تخبي
الله يعين
كلامك صح ياخوي
لكن صدقني انا لو واحد وافد او اجنبي يحاول يغلط علي او ياخذ دوري في طابور .. يموت و لا يقدر ..
اصلا صدقني عيال البلاد 99 % منهم يحترمون بعض .. لا بالعكس لو هو جدامي بيقولي تفضل .. و هذا الحال مع بعض الاخوه الوافدين
<< طبعا انا ما اتكلم عن كل الوافدين و اقول ان كلهم هب زينين لا بالعكس كثير منهم شيوخ ينحطون فوق الراس ..
لكن للأسف الاغلبيه صوّرت لنا هالصوره البشعه عنهم [ اقصد الوافدين و الاجانب ] .. و اسمحولي على هالكلام لكن للأسف هذا هو الواقع ..
و صدقيني ياختي .. هذا [ المواطن ] اللي دخل ويا هالبنتين .. واطي و ما عنده غيره عـ نفسه و لا على دينه ..
الله يهديه و يسامحه على اللي سواه .. والله بهالطريقه هو يشوّه صورة المواطنين اللي يستحون يظهرون بـ هالطريقه ..
للأسف بنت وحده من هالبنات ممكن تخرب مليون شاب من عندنا و هذا بسبب قلة الدين و الجري وراه الشهوات و التفاهات ..
امّـا لو بنتكلم على اللي ضاربتكم عند الكاونتر .. بصراحه كفو عليكم جي سويتو فيها لان ما دواها الا هالطريقه ..
صدقيني الرمسه في هالموضوع ما تخلص .. بلادنا اختربت والله و صارت مليانه من هالاشكال القذره ..
كل واحد يقول يالله بالسلامه و يحافظ عـ اهل بيته ..~
موضوع عام في معظم المولات
وهذا شي بسيط مثل ماتفضلي انهن محتشمات
في اماكن اخرى الحشمه مفقوده والستر من الأمنيات
ويمكن ما تبع الموقف من مواقف بني على خلفيته وتراكمات معينة
والاخوة اللي تفضلوا بالتفاعل مع الموضوع من ضرب المتسبب فيه وما إلى ذلك
لا أعتقد بأن هذا الحل واقعي إطلاقا … خصوصا في دولة تحترم القانون ويحكمها
حل الموضوع بحاجة لروية تامة .. ودراسة تطبيقية .. وتنفيذ خطوات متتالية تجاه هكذا تصرفات
هذا المشهد .. لا يساوي شيئا عند مواقف أخرى ..
شاب يجلس إلى جوار شابتين يتناولون وجبة .. “قد” تكونا أختيه – من أهله – أي صلة قرابة إلا للعارفين المتمرسين
ولكن الحشمة موجودة .. والستر موجود ….
أين هذا الموقف من القبلات الحارة بين أجنبي ورفيقته التي ((( لابسه من غير هدوم ))) في مطار دولي من مطارات الدولة أمام مرآى و مسمع الجميع؟
أين هذا الموقف من العري المكسي استهبالاً المتفشي في شوارعنا وأسواقنا وحدائقنا وشواطئنا ؟؟ بحيث أصبحنا والله نفكر عدة مرات ونزور المكان أكثر من مرة لوحدنا قبل أن نأخذ أسرنا إليه خشية خدش (( أي خدش الا صار تمزيق )) الحياء !! وخوفاً على عقول أبنائنا وبناتنا
نريد أن تشمل الحلول جميع الظواهر السلبية المماثلة .. ولكن بغير ارتجال .. وبتأني .. حتى تؤتي ثمارها
اعذروني ولكم الشكر
^
^
^
^
تحياتي لشباب الإمارات عيل …
لو كنت موجود جان فصخت النعال و طبعت علامة فارس على ظهرهم من كثر الضرب . منقود والله منقود
هالأشكال لازم تعرف ان الي يسوونه في بنات الخلق ٩٩٪ بيستوي في خواتهم ولا حد من اهلهم