السلام عليكم
شحالكم ؟
عندي استفسار بسيط جدا و ان شاء الله القى حد يساعدني
المهم
انا سويت حادث دعمت العمود الي فيه لوحة ارشادية ما قبل الدوار
المهم العمود استوى فيه اعوجاج بسيط و اللوحة الارشادية الي في العمود انخلعت من مكانها بس العمود انعوج حبتين
المهم
الحمدلله طلعنا منها سليمين
بس يوم يا مال (( ساعد )) كتب لي خلع لوحة ارشادية .. مع اني قمت باعادة تركيب اللوحة مكانها و اخذ الليسن و قالي تستلمه من مركز الشرطة يوم اتييب براءة الذمة من التامين عشان يدفعون حق خلع اللوحة على قولته
و كتب لي في التقرير خلع لوحة ارشادية !!
قالي سير التامين خذ منهم براءة ذمة و تعال استلم الليسن من المركز
المهم
سرت التامين قالوا لي نحن ما نعرف كم المبلغ المستحق .. فلازم تروح البلدية و اتييب لنا كم المبلغ ..
سرت البلدية و خذت منهم فاتورة بالمبلغ .. البلدية اعتبروه خلع العمود كامل و حطوا لي فاتورة اسبتدال العمود كامل بالاساسات مع ان الي انخلغ اللوحة بس !!!
خذت الفاتورة و سرت التامين .. فتموا يستهبلون عليه و قالوا لي سير البلدية ادفع و خذ منهم براءة الذمة و عقب نحن بنعطيك فلوسك !!!!
مع ان مال ساعد قالي سير خذ براءة الذمة من التامين !!!
منو الصادق فيهم !!!
الحين انا حيران شسوي !!! ياليت الي عنده خبره بالموضوع يخبرني هل ادفع للبلدية و اخذ منهم براءة الذمة و الا التامين هو المسؤول ؟!!
يزاكم الله خيــر
هذا الي قالوا اياه التامين … نفس الكلام
بس المنطق ان التامين يدفع مباشرة و مافيه لها داعي انا ادفع و عقب هو يدفعون لي
عموما
لك كل الشكر و التقدير على تجاوبك مع موضوعي
الله يكون في عون اليميع
يزاك الله خير
دامك عندك تأمين، فالمفروض ما تدفع ولا فلس للمتضرر (سواء كان شخص أو هيئه). التأمين هو الجهه الوحيده المسؤوله عن دفعتصليح الأضرار المتسبب فيها.
لا يقصون عليك، ترا مثل ما قلت، هم يستهبلون عليك.
الي اعرفه انته تدفع في البلديه وبعدين يدفعولك التامين
بس مع تقديم اثبات للتامين بالمبلغ الي دفعته للبلديه
بس مش متاكد
الله يكون في عونك أخوي
أنا ما اعرف شو الحل بس أن شاء الله بتلقي الحل في المرور روحلهم واستفسر والجواب الشافي عندهم