السلام عليكم ورحمة الله وبركاته

والصلاة والسلام على اشرف المرسلين سيدنا محمد وعلى اله وصحبه وسلم

وبعد

اخواني طبعا ماشالله الربع هني كلهم مجربين السيارات وحبينا ناخذ فكرة عن سيارة سبورت

للاستخدام اليومي وارجو ان نسمع حسنات السيارة وسيئاتها والعيوب اللي ممكن تصادف المستخدم

وبعد لا ننسى معاملة الوكيل والصيانة

نوع السيارة:

الموديل:

الحسنات:

السيئات:

العيوب:

معاملة الوكيل بعد البيع:

تصلح لاستخدام اليومي او لا:

اي ملاحظات اخرى:

ويعطيكم العافية

49 thoughts on “افضل سيارة سبورت للاستخدام اليومي؟؟؟؟”

  1. الاخ الفاضل حدد نوع سيارة الاسبورت صالون ولا فور ويل عموما اذا كانت فور ويل انصحك في الانفنتي فقط سيارة سبورت ومافيهة خرابات طبعا على حسب ميزانية الشخص اذا تاخذ اكس سكس وعليه سيرفس كنتراك يكون افضل ماتدفع شي

  2. اخوي بالنسبة للجي تي ار انا شايف مره موضوع هنيه في المنتدى واحد كان يبيع جي تي ار و ذموو فيه من ناحية الاستخدام اليومي و السيرفس المرتفع
    حالين واحد من الشباب عنده cls63 amg صارله 5 اشهر تقريبا و يسافر فيه و يحاوط و يداعس و كل شي و اموره طيبة حتى الحين
    مره بس انقطع عليه سير و بدله بحدود الميتين درهم و بس
    مع العلم مشتري الموتر مستعمل

    انقطع سير التايمن قصدك؟ بس؟ ههههه

    عيل يحمد ربه المكينه مادقت

    سير التايمن خطر على المكينة اذا انقطع

    بس اتوقع انه السياراتا ليديده ماتييك سير اتييك جنزير حديد!!؟ فمادري اذا تقصد سير التايمن او السير الخارجي

  3. اخوي بالنسبة للجي تي ار انا شايف مره موضوع هنيه في المنتدى واحد كان يبيع جي تي ار و ذموو فيه من ناحية الاستخدام اليومي و السيرفس المرتفع
    حالين واحد من الشباب عنده cls63 amg صارله 5 اشهر تقريبا و يسافر فيه و يحاوط و يداعس و كل شي و اموره طيبة حتى الحين
    مره بس انقطع عليه سير و بدله بحدود الميتين درهم و بس
    مع العلم مشتري الموتر مستعمل

  4. مع احترامي لراعي الافالون انا مجرب مع انواع الافالونات و اورويون بعد
    من الصفر و مساير و كل شي و موتري كان لكزس 8 سلندر 2005
    ياريت يا اخوي تحدد ميزانيتك
    يعني السبورت من 130 الف تقريبا لين مليون و شويه
    في عندك لكزس اليديد الكوبي هذا ما عليه كلام سواء خطوط سفر دعاس كل شي و استخدام يومي 24 ساعه بس طبعا القوة مب لهناك يعني مستوى لكزسات 8 سلندر قديمة
    و عندك من الناحية الاخرى لكزس is-f قوة و سفر و خطوط و تمشي و كل شي و عندك خيار سواء وكالة و لا مستعمل تطمن بس اهم الممشى شوي و شرط القير و المكينة و امورك طيبة باذن الله

  5. يا سلام ..تعجبني هاي السوالف و المواضيع ..

    شوف عمي …. اذا انته سبورتي و فيك خرشه ويطربك صوت الموتر عليك بالموستنج (روش ولا شلبي) واسعاهن فوق ال 200 الف ..ولكن ترى حتى الموستنج اليديد (الجي تي) عجيب خصوصا بعد مانزلوه بمكينه 5.0 و سمعت انهم بينزلونه جير عادي سته غيار و سعره تحت ال 180 على ما اضن والله اعلم .

    لكن اذا انته طال عمرك سبورتي و فيك رزانه عليك بالسياير السبورتيه الي تلقلها في الالماني مثل البي ام و المرسيدس

Comments are closed.