السلام عليكم ورحمة الله وبركاته
والصلاة والسلام على اشرف المرسلين سيدنا محمد وعلى اله وصحبه وسلم
وبعد
اخواني طبعا ماشالله الربع هني كلهم مجربين السيارات وحبينا ناخذ فكرة عن سيارة سبورت
للاستخدام اليومي وارجو ان نسمع حسنات السيارة وسيئاتها والعيوب اللي ممكن تصادف المستخدم
وبعد لا ننسى معاملة الوكيل والصيانة
نوع السيارة:
الموديل:
الحسنات:
السيئات:
العيوب:
معاملة الوكيل بعد البيع:
تصلح لاستخدام اليومي او لا:
اي ملاحظات اخرى:
ويعطيكم العافية
السلام عليكم ورحمة الله وبركاته
انا عندي جي تي ار ومب امقصر فيه خذته من قريب الموتر الحمد الله ما فيه اي عوق
بس فالخط يصرف شوي لان القير حاكر بس
اما من ناحيه الاستخدام موتر مثله مثل اي موتر استخدام يومي
انا عندي gtr استعمال يومي وكل ويكند خط دبي والعين وبوظبي والصراحة ما شفت فيها اي عيب للحين وصرفية البترول ممتازة وبخصوص الوكالة في قسم خاص بس حق الجي تي وكل 5000 كيلو تدفع 600 درهم وتشيكة 30000 و 60000 كيلو تدفع 5000 درهم تقريبا والجامبينات عندك زر للسبورت وللكمفورت
واي استفسار انا حاضر
السلام عليكم اخوي اول شي لازم توضح اكثرررررر لازم تحدد الفئه من ناحيه السعر ومن ناحيه القوه ومن ناحيه عدد الركاااب عشاان نحصرها لك في كم سياره من الفئه اللي تبيها بس بفيدك بكم سياره من تجارب شخصيه اوتجارب ناس اعرفهم طبعا اتكلم عن السيارات العمليه مال الاستخدام اليومي :
قئه 2 ركاب :
1- بورش كاريرا بانواعه مميزاته عملي جدا وهاااااااااي كواليتي بالمواد المستخدمه عيوبه مممكن اسعار القطع
2- اودي r8 ممتازه بكل ماتعنيه الكلمه من معنى شكل رياضي بحت وقوه معقوله وسياره حذابه
3-كورفيت وخاصه الzo6 هيبه وقوه واداء وسعر حلو واسعار القطع معقول ولكن الكواليتي داخل السياره دون المستوى المطلوب بس يخليك تنافس سيارات قوويه جدا
طبعا فيع سيارات اكثر بس هذي عن رايي الشحصي
فئه الكوبيه 4 ركاب :
1- بي ام دبليو ام ثري قوه وراحه وضمان 5 شنوات بس بعد الضمان اسعار القطع مكلفه
2- اودي s5 ممتازه جدا وقوييييه بكن الالماني بعد الضمان يكرهك فيه اسعار قطع الغيار
3- مرسيدس cl مريح وشكله حلو وواسع وفيه اوبشن كثير بس تحس احيانا يميل للفخامه اكثر من السبورت
4- طبعا هذي من رايي الشخصي واستعمالي mustang يازينها وبس سعر رخيص بمنافسينها جوده ممتازه قياده رياضيه ممتعه اسعار قطع رخيصه تنااافس سيارات لها اسم واسعاارها غاليه اكررررررررررفها الين تطق جبدك بيجيك يوم تقول للسياره تكفين اختربي شوي والميزه الوحيده اللي ماتحصلها الا فيه نكهه الاكزوزت الامريكي الاصلي القديم يعني بس تحط دبات فلوماستر وكت باك والله ماودك تشسل اذنك من عند الاكزوز
انا انصحك تروح وكاله الطاير اللي بشارع الشيخ زايد قبل كم يوم انا كنت عندهم وكانوا جايبين الrush shmal الهورس باور حقه 525 حصان ونظام تعليق مستقل يختلف عن الشيلبي والجي تي تماما وافيه منه الا 15 حبه بتكون مميز وقوته تكفي وشكله ويكفي لاربع ركاب وسعر ممتاز وعملي جدااااااااااااااااااااااا وانا اقولك التجربه خير برهان روح شوووف واسال اي احد جربه وربي يكتب اللي فيه الخير والمعذره عالاطاله تحياتي للجميع
خذلك كرولا 12 سلندر
هههه
ماعرف بش الشباب اكثر شي يمدحون الكورفت
عموما يوم بتاخذ كحل عيونه بكم صورة ومبروك مقدما