السلالام عليكم

انا بكتب الموضوع هذا ليستفيد منه كل من يبحث عن رقم ثلاثي لامارة دبي ..
الارقام الثنائيه اتفقنا انها فوق الـ مليونين نازل 100 الف طالع 100 الف هاي الاسعار للثنائي
بس اسعار الثلاثي كالتالي حسب اخر مزاد وحسب السوق وحسب قرائتي له :

اول شي اتشوف الكود اذا كان A B C فهو اغلى شي انا مابتكلم عن الكود واايد
بتكلم عن الرقم نفسه وبختصار ..

ثاني شي اتشوف الرقم اذا تحت الـ 500 او فوقها ,
اذا الرقم تحت الـ 500 سعره غير اغلى عن اذا كان فوقها ..

واذا فيه واحد شرات 518 او 761 او 391 بعد سعره غير

رقم ثلاثي تحت الـ 500 وفيه 0 سعره غير

و ثلاثي شرات 465 او 735 او 395 بعد سعره غير

اذا ثلاثي ولا رقم متشابه ولا فيه 0 او 1 او 5 هذا العادي سعره
في حدود 180 الى 190 حاليا حسب المزاد الاخير واذا تواجدة فيه النقاط اعلاه فالسعر يتغير …

ثلاثي تحت الـ 200 مثال 197 او 128 هذا سعره صار معروف حاليا فوق الـ 300 الف درهم

ثلاثي تحت الـ 300 مثال 219 او 274 تقريبا صار معروف فوق الـ 220 الف درهم

انا لو اتكلم عن الثلاثي مابخلص ارجو ان تعم الفائده على الجميع وانا اتكلم
عن السوق في هذا الوقت شو دراكم يمكن يصير سعر الثلاثي قربيا اي رقم كان فوق الـ 200 الف ..

الاسعار حاليا للثلاثي يبدا من 180,000 تقريبا ..

واي سؤال انا حاظر وان شاء الله اقدر افيدكم اكثر ..

78 thoughts on “اسعار الارقام الثنائيه والثلاثيه حسب السوق حاليا ..”

  1. عطني سعر ارخص رقم 3 ..

    و اي كوود مايهم ..


    اخوي انا ذكرت في بداية موضوعي عن ارخص رقم واحسن سعر يمكن اتحصله
    للثلاثي ..
    حسب اخر مزاد اقل سعر للثلاثي بـ 182,000 للرقم 426 و 549
    فـ انت شو رايك اذا قدرت اتحصل ثلاثي بـ اقل من 180 الف اتوقع انه سعر جيد في هالوقت ..
    انا ماقول مابتحصل تحت الـ 180 بتحصل اذا دورة عدل ولك معارف ..

    فالمجله شفت ثلاثي معروض تحت الـ 180,000 لاحد التجار اتصلت فيه
    على طول قالي انباع قلت كم انباع ماقال لي قلت
    له مابحصل اي رقم شرات هالسعر عندك مب مهم الرقم قالي لا صعبه

    ..

  3. اخووووي عرفنا الواحد والصفر يوم يكون في الرقم سعره يكوون اعلى
    بس الخمسه ليش شراتهم شوو الفرق

    هلا والله ..

    اخوي وحداوي اقوى شي فالرقم الثلاثي الـ صفر بعدين الواحد والخمسه
    لانه رقم صغير جدا من ثلاث خانات اي رقم يأثر فيه ابسرعه ..
    انا اتكلم عن الخمسه فالثلاثي في حاله وحده انه يكون اخر رقم مثال : 635 و 985

    الخمسه لانه عدد صحيح مثل 15 و75 و 35 مب شرات 16 او 37

    انت شو رايك 795 احلى ولا 792 … 385 ولا 384

    في ناس يمكن ماتعطي الرقم 5 اهتمام بس فالتقييم والبيع والشراء يهم واايد

    مثال صار لي ..
    كنت ببيع رقم ثنائي وكنت وسيط
    اول ماكلمت الريال عسب الرقم انا قلت له في رقم ثنائي للبيع ماقلت له الرقم
    قالي تحت الـ 50 ولا فوق ؟؟ قلت له فالعشرين قالي تحت الـ 25 ولا فوق
    شوف الخمسه هي الوسط والمحرك للسعر كاامل ..
    هاي الحاله اتصير واايد فالثلاثي بعد ..

    حسب آخر مزاد الرقم 215 بيع بفرق 30,000 عن 214 !!!
    215 بـ 266,000
    214 بـ 236,000

    شفت الفرق وشو تسوي الـ 5

    ..

  4. لو سمحت اخوي حبيب_الكل

    انا سمعت أنه اسعار الارقام راح تنزل خلال شهر 6 أو 7 مع هبوط الاسعار

    هل هذا صحيح أو لا ؟؟

Comments are closed.