السلالام عليكم

انا بكتب الموضوع هذا ليستفيد منه كل من يبحث عن رقم ثلاثي لامارة دبي ..
الارقام الثنائيه اتفقنا انها فوق الـ مليونين نازل 100 الف طالع 100 الف هاي الاسعار للثنائي
بس اسعار الثلاثي كالتالي حسب اخر مزاد وحسب السوق وحسب قرائتي له :

اول شي اتشوف الكود اذا كان A B C فهو اغلى شي انا مابتكلم عن الكود واايد
بتكلم عن الرقم نفسه وبختصار ..

ثاني شي اتشوف الرقم اذا تحت الـ 500 او فوقها ,
اذا الرقم تحت الـ 500 سعره غير اغلى عن اذا كان فوقها ..

واذا فيه واحد شرات 518 او 761 او 391 بعد سعره غير

رقم ثلاثي تحت الـ 500 وفيه 0 سعره غير

و ثلاثي شرات 465 او 735 او 395 بعد سعره غير

اذا ثلاثي ولا رقم متشابه ولا فيه 0 او 1 او 5 هذا العادي سعره
في حدود 180 الى 190 حاليا حسب المزاد الاخير واذا تواجدة فيه النقاط اعلاه فالسعر يتغير …

ثلاثي تحت الـ 200 مثال 197 او 128 هذا سعره صار معروف حاليا فوق الـ 300 الف درهم

ثلاثي تحت الـ 300 مثال 219 او 274 تقريبا صار معروف فوق الـ 220 الف درهم

انا لو اتكلم عن الثلاثي مابخلص ارجو ان تعم الفائده على الجميع وانا اتكلم
عن السوق في هذا الوقت شو دراكم يمكن يصير سعر الثلاثي قربيا اي رقم كان فوق الـ 200 الف ..

الاسعار حاليا للثلاثي يبدا من 180,000 تقريبا ..

واي سؤال انا حاظر وان شاء الله اقدر افيدكم اكثر ..

78 thoughts on “اسعار الارقام الثنائيه والثلاثيه حسب السوق حاليا ..”

  1. هالأيام وصل الثلاثي المخربط بحدود ال 180 أو 170 ألف …..

    عقبال الفئة الخامسة …. الثلاثية


  2. ما اتوقع اقبال كبير من الناس على المزاد الياي

    خلاص الناس انسدت من الارقام

    غريبه الارقام ازيد وتنصرف والناس ما تزيد

    الارقام وين سارت ما ادري

    عوده محموده يا حبيب الكل

    ويمكم صح كلامك عزيزي لانه هذا سوق عرض وطلب ومحد يدري شو بصير

  3. ما اتوقع اقبال كبير من الناس على المزاد الياي

    خلاص الناس انسدت من الارقام

    غريبه الارقام ازيد وتنصرف والناس ما تزيد

    الارقام وين سارت ما ادري

    عوده محموده يا حبيب الكل

    مرحبا الغالي ..
    انا اقول عكس كلامك المزاد القادم واتمنى انك تحضر
    بتلاحظ ازدحام شديد ومنافسه قويه لانه بيكون صار تقريبا اكثر 3 شهور مافيه اي مزاد في دبي
    التجار والناس العاديه ولي عنده سياره يديده يواعه يبون يشترون اي رقم
    والارقام مايحتاي ادورها انا بقولك وين سارت اكثر الارقام الثلاثيه تم شرائها
    من قبل اشخاص هوامير عسب يركبونها على سياراتهم انا شخصا بعت كذا رقم
    لكذا شخص عادي اشترى الرقم مب للتجاره بس للكشخه
    فالسوق الحين نادر اتحصل ثلاثي امخربط بـ 320الف

    بس اتمنى انك اتكون موجود فالمزاد القادم المتوقع يكون في رمضان وتيلس صوبي
    وتشوف شو بيصير ان شاء الله

  4. ما اتوقع اقبال كبير من الناس على المزاد الياي

    خلاص الناس انسدت من الارقام

    غريبه الارقام ازيد وتنصرف والناس ما تزيد

    الارقام وين سارت ما ادري

    عوده محموده يا حبيب الكل

  5. الاسعار ثابته تقريبا للثنائي والثلاثي
    لانه هالارقام الكبيره ماتحركهم الا المزادات
    والمزاد القادم حسب الكلام السايد انه في رمضان ان شاء الله

Comments are closed.