استفسار عن مستشفيات بنجلور في الهند للاهميه ياشباب

22 thoughts on “استفسار عن مستشفيات بنجلور في الهند للاهميه ياشباب”

1. هلا اخويه
   ان شاء الله ولدك مايشوف شر
   بس انا اقولك بنجلور سايرة لها مرتين الافضل انك تروح بمبي العاصمة لانها اكير..
   بنجلور تكون جنوب الهند والعاصمة شمال …ولو حاب تعرف علاج ولدك متوفر ولا لا كلم خالد اللي رقمه فوق ها الكل يعرفه من الل الامارات لما يروحون اهناك يساعدهم ..قبل لاتسافر حاول ترسل له مشكلة ولدك وقوله اعرضها على الدكتور المختص وهو بروحه يعرف الدكاترة عدل لانه لما نساله وين افضل دكتور لعلاج مرض ما هو ينصحنا نروح للدكتور الفلاني

   يمكن العلاج في بمبي أفضل عندهم كل التخصصات لكل الأمراض بس بمبي ما بتعيبك يقولون وسخة وحارة

2. انا سافرت بنجلور ذيج السنه احسن مستشفى عندهم ابولو .. يوم دخلته حسيت اني داخل مستشفى توام !!!
   ما انصحك تروح بنجلور عليك بالمستشفى الامريكي فبانكوك احسن بالف مره عن بنجلور..

   بس بنجلور مدينه حلوه والجو والطبيعه غييييير ماتحس انك فالهند وهيه مدينه آمنه ونظيفه لقيت وايدين مواطنين فيها وخليجيين..

   اذا عزمت عليها انصحك تتصل باحمد الانصاري وهو واحد كان عايش فدبي يرمس شراتنا…

   وشي فندق اسمه اكبر او بابر شي جييه نسيت اسمه كلهم خليجيين فيه وفيه نت ببلاش

3. هلا اخويه
   ان شاء الله ولدك مايشوف شر
   بس انا اقولك بنجلور سايرة لها مرتين الافضل انك تروح بمبي العاصمة لانها اكير..
   بنجلور تكون جنوب الهند والعاصمة شمال …ولو حاب تعرف علاج ولدك متوفر ولا لا كلم خالد اللي رقمه فوق ها الكل يعرفه من الل الامارات لما يروحون اهناك يساعدهم ..قبل لاتسافر حاول ترسل له مشكلة ولدك وقوله اعرضها على الدكتور المختص وهو بروحه يعرف الدكاترة عدل لانه لما نساله وين افضل دكتور لعلاج مرض ما هو ينصحنا نروح للدكتور الفلاني …

4. اخي الكريم انا معك في رأيك … المستشفى الذي ذكرته يعتبر نم احسن المستشفيات وانظفها وعلى مستوى ممتازمن الخبرة وحسن التعامل .

   تم تجربة مستشفى أبلو ولكن المستشفى الامريكي بتايلند ( برمنجراد ) او الملكي يفوق هذا المستشفى بمرات كثيرة .

   يكفي ان مسشفى تايلند دولي ( انترناشيونال ) ومن كل الدول الاوربية تحصلهم هناك .

   وانصحك اخي الكريم نصصيحة وفي رأيي انا بعطيك ايميل المستشفى او أحد موظفي المستشفى وتراسله وتعرض عليه الحالة ، وتتتأكد منه قبل لا تسير .

   انا معاك اخوي بس تايلاند بعيده وانا سرت بلد متعبهه من ناحيه الراحه النفسيه والصلاه والغلاء
   ويعطيك العافيه اخوي الحربي علي هالمعلومه جزأك الله خير

5. الوالدة فيها السكري وكان صبع ريولها ملتهب وديناها مستشفى برمنجراد في تايلند شو قالولها أونه بيقصونه نفس اللي قالولها اياه في مستشفى صقر وطبعا ماطعنا ورديناها البلاد
   قمنا كل يوم انوديها البحر تغسل ريولها بماي البحر والحمدلله اللحمه الميتة روحها طاحت واللحين ما فيها الا العافية

Comments are closed.