كل عام وانتو بخير
وعساكم بإذن الله من الفايزين العايدين
لاهنتوا يا اخوان عندي مؤسسة مقاولات ونقليات عامة وفي مهندس مصري عرض علي انه يدخل شريك في هالمؤسسة ويتسجل اسمه في الاواراق الرسمية طبعا بحكم خبرته في هالمجال الاخ ناوي انه ييبني شركة لها سمعتها ومكانتها فرفض موضوع النسب وموضوع الراتب وقال ابي شراكة لاني بدخل بمالي ومجهودي
واللي ابي استفسر عنه
اولا هل يقدر هذا الشخص انه يدخل كشريك رسمي في الرخصة اللي نشاطها نقليات عامة ومقاولات مع العلم انه وافد واقامته على شركة ثانية في نفس المجال تقريبا(يعني يصير شريك واقامته على غيري) ما ادري اذا هالشي مسموح والا ضد القوانين
ثانيا هل في طريقة ثانية غير شراكة المؤسسة نفسها يقدر من خلاله يضمن حقوقه كشريك وبنفس الوقت انا اضمن انه المؤسسة مايكون فيها تلاعب (اقصد عقد عند محامي ويتوقع من كاتب العدل مثلا )
ثالثا لو صار ودخل معي كشريك براس المال وانكتب اسمه في الرخصه مع اسمي يقدر في هالحاله يتصرف بكل شي دون الرجوع الي (كصرف شيكات وتوقيع عقود وغيره من الامور الادارية والماليه ) ؟؟
رابعا وهو المهم لو صار شريك رسمي معي في الشركة وعطيته الخيط والمخيط واخذ قروض على الشركة وفجأه راح ديرته ولاعاد شفته هل في هالحالة اكون انا المسؤول عن قروضه ؟؟
خامسا لو الشراكة ممكنه في حالة هالشخص شو الاوراق الرسمية المطلوبة منه ومني انا وهل يتوجب فتح حساب للشركة ويكون فيه رصيد ؟ وكم الرصيد المطلوب دخوله للحساب لفتح الشراكه ؟؟
ادري اسألتي وايد بس شسوي مالنا غير الله ثم انتم يالقروم
والسموحه
جعلها الله بميزان حسناتك اخوي الامير
الشاهد الله انك اثلجت صدري بهالرد الله يوسعها عليك في دنياك وآخرتك
ولايهون اخوي المرر بيض الله وجيهكم
متواصل وياك اخوي الامير عالخاص