السلام عليكم
جماعه الخير انا متبهدل اخر بهدله بسبب الحشيش العادي كل مازرع مايظهر في كل مكان يظهر في مكان
ومكان لا وان ظهر يظهر سبحانك يا ربي لونه اصفر
مثل مناخنا معني حاط هندي مخصوص بس يسقي
ويهتم في الحوش والحديقه لكن مافادني بشيء وغير عن البعوض اللي مص دمنا والحشرات.
جماعه الخير انا متبهدل اخر بهدله بسبب الحشيش العادي كل مازرع مايظهر في كل مكان يظهر في مكان
ومكان لا وان ظهر يظهر سبحانك يا ربي لونه اصفر
مثل مناخنا معني حاط هندي مخصوص بس يسقيويهتم في الحوش والحديقه لكن مافادني بشيء وغير عن البعوض اللي مص دمنا والحشرات.
والحين اشوف وايد يمدحون الثيل او الحشيش الصناعي وفي حد يقول لا هب زين وفي الصيف ماينداس لان
يحر ومايعمر بس قالولي في محلات يعطونك عليه ضمان 5 سنين وفوق والانواع وايد وانا ماعرف شو الاحسن؟
في الالماني وفي الامريكي ..وبخصوص الحشرات ما اعتقد نفس وضع العادي مابيكون هناك بعوض وغيره صح؟
والاهتمام بعد ؟ المهم اللي عنده فكره ومجرب ينورنا عشان نرتب الموضوع باسرع وقت.
مشكورين ،،
اتمنى من المشرفين ماينقلون الموضوع ويخلونه يومين على الاقل لان في الموضوع المثبت ماحد يتابع اول باول
ويمكن اللي عنده فكره مايدري عن الموضوع وانا ابا على الاقل عضوين يقولون رايهم وخلاف حلالكم تنقلونه.
فضلاً وليس امراً 
الكتلوج يضم 6 أنواع مختلفه. كل نوع له فايده معينه. (مرقمات من 1 الى 6)
النوعيه الأولى (العاديه) و هذي ما أظن تنفع موليه، لأنها عباره عن نفس الأنواع المتوفره في السوق ، بس الشعيرات أطول. (اللي في الكتلوج، الصوره رقم 3)
النوعيه الثانيه تنفع لملاعب الجولف. هذي بعد ما تنفعك. (اللي في الكتلوج، الصوره رقم 1)
النوعيه الثالثه هي عباره عن مزج من النوعين الأول و الثاني. هالنوعيه فيها 3 سماكات، حسب طول الشعره التابعه للنوعيه الأولى. ((اللي في الكتلوج، الصوره رقم 2 و 4 و 6).
أنا كلمتهم اليوم و قالولي إن سعر المتر في النوعيه الثالثه تتراوح حسب الكثافه من 30 درهم الى 23 درهم. و هالسعر يشمل:
1- تثبيت التربه.
2- إظافة طبقه معينه (ما أعرف فايدتها، بعدني ما تعمّقت في الموضوع).
3- توريد و تركيب السجاد (الحشيش الصناعي).
4- ضمان على لون و ثبات الحشيش لمدة 5 سنوات.
و بصراحه السعر يعتبر بلااااااااش، إذا قارنته بالحشيش الطبيعي. لأن الحشيش الطبيعي بروحه بـ 12 درهم للمتر، هذا غير التركيب و مصاريف الماي و السماد و العامل. هذا غير إنك بتتخلّص من موضوع الحشرات، و خصوصا في الليل. و فوق هذا، ما بتحتاج تحفر “رق”، و بالتالي ما بتصرف كهربه.
الشركه باين عليها متخصصه و شغلها مضبوط، مب شغل بنغاليه.
أنا إخترت السماكه الخفيفه لأنها تبيّن و كأن الحشيش توّه مقصوص. ناوي أخلّيهم يشتغلون في بيتي في القريب العاجل إن شاء الله.
و هذا موقعهم على الإنترنت و فيه معلومات الإتصال.
greenpeopleme.com
و السموحه.
وكثر الله من امثااالك ^_^
داااائمااا سباااق للخير والله يجعله في ميزاان حسناااتك بإذن الله
وعليكم السلام ورحمة الله وبركااااته
هاذي المشكله مرت على أغلب الناس وكاااان لها عدت مشااااكل ,,,
1 _ يمكن يكون من التربه يعني التربه غير صالحه لزراعه ومحتاااجه إلى تجديد .
2 _ يمكن يكون من نوع البذور لي ماخذهن .
3 _ أحيان يكون من كثرة الماء ,, وعلى حسبت خبرتي أنه النبته أو غيرها ماتصفر إلا من تكثير الماء لها .
وما أنصحك الصراحه أنك تزرع الحشيش الصناعي لأني كل إلي أعرفهم
يوم إزرعوه قاموا يشتكون منه في أشاء كثيره .
على العموم موضوعك جدا ً بسيط طرشلي رقمك على الخاااص
وبخلي المهندس الزراعي يتواصل معاااك ويشرحلك الحل في أقرب فرصه ..
ربي يوفقك ويسرلك أمرك .
هلا عتيم.
خبّرني عن اللي بيستوي وياك، لأني عندي نفس المشكله.