السلام عليكم و رحمة الله و بركاته
كتب الى احد الاخوه الكرام طالبا تقرير كارفاكس عن سياره اشتراها من الامارات
مستورده من امريكا
بعد ان ارسلت له التقرير افادني
انه اشترى السياره و دفع فلوسها – البائع لم يذكر له انها غرقانه
و انما تجادل معه هو سعرها فقط
ما هو الاجراء القانوني الذي يمكن ان يتخذه الاخ بحق البائع و هل يحق له مطالبته بارجاع السياره
و خاصه ان البائع لم يبين له ان السياره غرقانه
نرجوا من لديه معرفه بهذه الاشكاليه ان يدلوا بدلوه
و للجميع جزيل الشكر
متابع الموضوع …..
للرفع
تسلم طويل العمر على الرد الطيب
اكيد صاحب المشكله يقرا الموضوع الحين و بيتصرف
هيه و الله يزاك الله ألف خير … فدتنا الله لا يحط حد في هالموقف ..
بس على طاري الخساير الماديه و المعنويه …
انته لو ترفع قضيه بس عالخساير المعنويه بيطلع لك تعويض محترم … بس سير عند محامي فنان …
طبعا تسير للمحامي لو تبا ترفع قضيه طبعا بعد اجراء .. حماية المستهلك
و ربي يوفقك يا خوي
وصح نسيت اقولك من حقه انه يطالب بالمبلغ كااااااااااااامل ..
واذا حب يقدر يرفع قضية رد اعتبار وياخذ تعويييض .. والسبب ان التاجر ما بين له كل شي …
وكلفه خساير ماديه ومعنويه ..
السلام عليكم ورحمة الله وبركاته
شحالك ياخوي بوس ؟ شو مسوي؟
الغالي انا صارلي موقف مثله بالضبط قبل .. ورحت اشتكيت في مركز الشرطه وحولني حماية المستهلك ..
وخله يروح لهم هناك احسن ..
والموقف الي صارلي كان في الشارجه في معارض ابو شغاره .. ويا واحد عراقي ..
وما قالي ان الموتر مدعوم ولابين الي فيه ابد .. وقالي افحصه ورد لي .. ورحنا فحصناه بالكمبيوتر ما طلعولي انه فيه حادث
بس الموتر كله مصبوغ سالته قالي والله شحفات عاديه وانا ما صدقته وشليت رقم الشاصي وتاكدت من الفطيم ..
عندي ريال هناك اعرف يزاه الله الف خير هو الي فادني .. وقالي ان الموتر مدعوم في 2008 مرتين من ورا وجدام ..
وكلمت العراقي وما رضى يرجع الفلوس الي دفعتها لها كجزء من قيمة السياره ..
اشتكيت عليه .. ويابوه عندهم في حماية المستهلك في الشارجه .. بس قبلها طلبو مني اني اسوي تسويه وياه انا ما رضيت .. وهو طمع اونه بيخصم 10 الاف من المبلغ وانا قلت يخسي شل ها كله وهو نصاااب ..
طلبو مني اني افحص السياره مره ثانيه وفحصتها في قرية التسجيل في الشارجه وطلعولي كل البلاوي الي فيها ..
وقال انه سجل الموتر وحوله باسمي وطلبو منه تقرير الفحص فحص التسجيل الي سواه في دبي ( على اساس يعني )
طلع الموتر اخر مره مفحوص في دبي في سنة 2008 نص السنه @_@!! يعني نصب عيني عينك ..
وشليت التقارير كلها واشتكيت عليه وقلت لهم فلس واحد ما بيشله مني وما بعطيه شي موليه .. لا تاخير ولاغيره وخله ياكل تبن .. والحمدلله الحق طلع وياي لانه نصاب وما قال انه فيها حادث من قبل وما بين كل شي في السياره من اعطال ..
واعتبروه (( طمس معلومات عن الشاري )) وردتلي فلوسي ولله الحمد وريله فوق راسه ..
ف خله يروح حماية المستهلك وهم بيفيدونه ان شاء الله .. وتحملوو من هاييل يا جماعة الخير .. ترا والله انهم
تعب والله انهم نصابين بشكل خيالي .. طلعو التقرير واقروه وافهموه وعقب اشترو ..
وعسى الله يعين هالريال ياخوي .. ويهديه ويصلحه .. وان شاء الله يكون درس له مثل ما كان لي درس في السابق ..
واسف على الاطاله