يعطيكم العافيه اخواني الاعضاء ..وعساكم على القوه … دائما كل ما اكون في محطه ادنوك …. الاحظ مجموعه كبيره من الناس تستخدم بترول خصوصي .. والمعروف ان الخصوصي سعره اغلى من سعر البنزين الاحمر …. والسبب غير معروف بالنسبه لي ….

مع العلم …اني انا من كم سنه استخدم البترول الاحمر … والسيارات الي مرت علي … وكنت استخدم فيهن البنزين الاحمر …. بورش كاين … و …. مرسيدس 350 s ……و تويوتا ستيشن 2009 … وفي الحقيقه طول فتره استخدامي للسيارات المذكوره .. ماصادفتني .. مشاكل في السياره …. ولا حسيت بفرق في الاستخدام …لا من ناحيه عزم ولا من ناحيه …. صيانه …..

وفي يوم من الايام … كنت ارمس عن هذا الموضوع … وكانت ردت فعل الناس …. انه مستحيل …. يعبون من البنزين الاحمر …. بحجه …. انه نوعيته سيئه … وهذا السبب انه رخيص مقارنه بالخصوصي …..

بأمانه انا ماحسيت فيه فرق بينهم .. ماعدا السعر ….

واحب اسمع ارائكم…. في هذا الخصوص

44 thoughts on “ادنوك .. بترول سيارتك … احمر .. ولا … خصوصي (موضوع للقاش)”

  1. اول ما نزل الأحمر طلعوا دفتر (مذكرة) وكتبوا فيها ان حق اي موتر مناسب مع ذكر الموديلات والعكس ……………

  2. شكلك يالس تسوي دعايه حقهم

    ما يخصه ياخووي

    و على فكره خلك على ادنوك احسن لك ترا تفرق في طريقة المعالجه …..

    و بترول شيشة الامارات اييبون الخام من برع …………

    و الخام الي في ادنوك يعتبر من افضل الخامات في الخليج …


    ياليت لي دخل من عندهم أن كان عن طريق الدعاية أو حتى مستثمرة صغير صغير جدا عندهم

    كان بتحصل أسمس في قائمة فوربس للأغنياء

    أنا ما اتكلم عن الجودة أنا اتكلم عن قطع المسافة أنا وكثير من الشباب ملاحظين هذي الشي أنا ادنوك يطير بسرع أحمر أو أخضر

    وانا والحمد الله تعبئتي حاليا كلة من عمان

    خالي من رصاص متروس رصاص أحمر أخضر

    المهم أن السيارة تمشي

  3. انا صراحه من تجربه شخصيه مع الكاديلاك اسكليد 2009 كنت دووم اصب فيه الاخضر والحمد الله ولاكن عقب فتره صرت استعمل الاحمر وطولت فتره طوووويله انا استعمل الاحمر وشفت عزم سيارتي صار اقل وما كنت اعرف شو السبب وماجا على بالي البترول قلت يمكن انا تعوت على السياره ولازم اسيد السرعه (انا من نوع اليي وايد يسرع بالسياره) فا رحت و طلبتلي كات باك من امريكا في فرق بس كادليك الوكاله كان يطلع علي حتى الدينالي وطبعان بعد مناقشات مع الشباب خبورني عن نوع البترول انه الاحمر هذي مشكلته وانا ماصدقت قلت اروح الوكاله وسال خبروني الاكدليك يتحمل اردى انواع البترول ومافيه مشكله السياره فلكس فيول المهم قلت انا بجرب بترول ال98 ومازل الموتر تعبان ولاكن عقب فتره لحمد الله الموتر رجع نفسه وزياده وانا 100% ما اعرف شو السبب هل الكات باك بدى يعطي الموتر مشيه او البترول والله اعلم .

  4. ما شاء الله على الشباب خلفيات طيبه

    بعد زيارة خاصة لاحدى المصافي اليكم المعلومات التاليه وهي ملخص لما قالوه اخواني قبل:

    الاحمر او اليو الجي91 يحتوي بشكل تقديري على 91% من الاوكتيين وهي مادة الاشتعال (بشكل تقديري يعني ممكن يكون اقل او اكثر)
    والاخضر او اليوالجي 95 .. تقريبا 95% اوكتيين
    الممتاز او اليوالجي 98 .. نفس الشي 98%

    وفي دول ثانيه عندها اليوالجي 100

    اي مصفاه هاي

    اليو ال جي ( ULG ) تعني وقود خالي من الرصاص !! , Un-Leaded Gasoline

    RON = research octane number = 91 , 95, 98

  5. يمكن نسبه الرصاص تختلف
    والي اعرفه انه الاخضر افضل حسب قول الاغلبيه
    هذا والله اعلم

    يا ريال الرصااااااااااااااااااااااااااااااااص لا يستخدم في الامارات و معظم دول العالم !!!!!!!!!!!!!

Comments are closed.