مشكلتي هي كالأتي اانني اعاني من ادمان النت يعني اربعه وعشرين ساعه من جد طفشت و الحاله هذي عندي من 3سنوات وكل مااحاول اتوب ارجع العن من قبل عيوني طلعت ونفسي في طرف خشمي ومشكلتي عندي دوام وبرضه على الحاسب يعني مرض والأن الساعه تشير الى الثانيه والربع صباحا بتوقيت السعوديه وانا مانمت وعندي دوام الساعه السابعه صباحا لاوشكلي مطوله بعد ناويه ازوركم بقوقل ايرث وامر على شرق اسيا واخذ لفه على استراليا ونيوزلنده ومستمره بدون توقف ((اكتب مشكلتي وعيوني ناطه من النوم واسلوبي مدري وش يبي حايس)) لاتقولون سكري الأنوار وطلعي الكمبيوتر وبتنامي بقوم وابجيبه لو انه عند الجيران ابي حل جذري والله طفشت مره مره احس ادمان الهرويين ارحم اقلها عندهم مصحه تعالجهم حتى بالدوام ماصرت احاكي احد ولااصبح على احد وغياب على كيف كبفي وحاسه انهم بيشوتوني في اقرب فرصه يعني اللي يقدر يعطيني حل لايبخل علي )(وتصبحون على الف خير) ايه هين هذا اذا نمت
6 thoughts on “ابي حل عاجل لمشكلتي”
Comments are closed.
انا انصح مدمنين النت بالرياضه
واقل شي المشي لمدة ساعه
وصدقوني بتتغير احوالكم
مشكورين على ردودكم وفعلا فكره اني اقطع النت من الأتصالات بس المشكله انا ماني لحالي
عزيزتي دانة الرياض..
والله هالأيام أشعر إني أعاني من نفس مشكلتج.. فقط لأنني فاضية وماعندي شغلة .. فودي أتفلسف وأنصح .. لكنني أرد وأقول … لا تنتقد خلق وتأتي بمثله ..
لكن أنا أعتقد لو أنا وانتي وأمثالنا لو تعودوا في حياتهم على تحديد الأولويات وترتيبها حسب الأهمية ، وتحديد حجم دوائر أدورانا في الحياة وسعينا إن كل دائرة ما تطغى على الأخرى ، كان ما عانينا من هـ المعاناة ..
بس بصراحة في فترة عملي كنت أشغل وقتي بعملي .. وساعات النت كانت محدودة .. وإن كنت ساعات أعطي الأولوية لمتعتي الإنترنتية على حساب نومي في الليل اللي لازم أكتفي منه استعداداً لدوامي …
باختصار .. الحل يكمن في مدى قيمة بعض الأمور بالنسبة لنا.. مثل قيمة الوقت .. تحديد الأولويات .. تحديد حجم دوائر اهتماماتنا وعدم طغيانها على دوائر واجباتنا .. تنظيم الوقت والبعد عن الفوضوية .. التعود على التخطيط لأبسط الأمور في حياتنا وبرنامجنا اليومي و الأسبوعي والشهري … وكل هذا ما يجي بالساهل .. فلابد فيه من مجاهدة النفس ورغباتها واعادة ترتيب وتأهيل عقلياتنا …
والنت باختصار يعتبر سارق الوقت للي يفتقد كل اللي ذكرته سابقاً ..
الله يكون بعوني وعونج
…
كلام ذهب 100 %
كل الشكر والتقدير
دانة الرياض مشكلتج يعانون منها اكثر الناس وانا منهم لاكن النت بلنسبة لي فقط فليل وفي اوقات التداول فقط
بخصوص انج تبين علاج خليهم يقطعون النت من قبل الاتصالات واضغطي على عمرج وتسلي بلقرائة فليل وبيجيج النوم
بخصوص ان النت ادمان انا احس ان النت شغل اوقاتنا اكثر من اول قبل ما نعرف وين نروح الحينه تقدرتستفيد من عقول نيرة في كل مكان وهو وسيلة جيدة للاطلاع
ارباب