مراااااااااااااااااحب
انا من فتره ليست بقصيره ابحث في كل مكان تقريبا” عن اي سمعيات او مرئيات للشاعر المذكور
اعلاه ولم اجد والاماكن التي بحثت فيها (( النت + التسجيلات )) …..
واذا في حد عنده المطلوب اعلاه لا يقصر فينا لأنه طلب من الوالد شخصيا” اطال الله في عمره…
ولكم مني جزيل الشكر ولامتنان….
اخوي لامع
فيه يبعوا في تسجيلات في المدام
واذا تباني ايبلك راسلني على الخاص
في تسجيل في امسيه في دبي معاه 6 شعراء امارتيتن
من ببينهم بن حماد و عبدالله الاحبابي الي فيها سبع اللغات
طلطميس = بالنسبه لي وللوالد افضل شاعر شاب على الساحه الاماراتيه الحين وسلمت يداك على
القصايد العجيبه ولاهنت اخويه وما عليك زوووووود …… وطال عمرك وعمر الشيوخ.
عاشق الروح = مبروك على الصوره اليديده …… ومشكور مقدما” …… شد حيلك عاد .
(( سررت بمروركم العذب ))
و اذا حصلت لك شي رح احطلك ياه هني …
ماشاء الله عليك أخوي لامع .. اخترت شاعر غني عن التعريف .. وأنا أحب أحضر أمسياته ..
الشاعر ” محمد بن خليفه بن حماد الكعبــــي ” من الشعراء الذين فرضوا شعرهم و بقوة على الساحة الاماراتية .. له قصيده يقول فيها : –
ولا إيقدر الشاعر بشعـرٍ وقيفـان
ايقدر إن بـان إلكلامـه براهيـن
حد إن نظرته قلت ما غيره افلان
واذا تعبت افعاله ابعينـك ايشيـن
مستصغر العالم و بالطيش عميان
امطاولٍ راسه ابروس السلاطيـن
ناقص إيركب له من الكبر حنحان
هوه وين عن قوله وقوله عنه وين
وحدٍ ثقيل اوزان لو به الزمن شان
وعمر الكرامه ما اتمرمط مع الطين
…………………….……………………
و أخرى يقول فيها : –
يا كبر ظلمك وجرحي منك يا كبره
الله يسامحك ما ظنيت تظلمني
لا تعتذر ما بقي بصوت العذر نبره
خلك في حالك وخل الجرح يالمني
اخطيت لكن كسبت من الخطا عبره
كثر الصراحة خطا والوقت علمني
ما هيب من قلة التصريف والخبره
ما غير طبع التسامح فيك ساهمني
أنا على لاطيب كفي طايل شبره
وسلوم الأجواد مع الأجواد تحكمني
طبعي أحب النقاوة وأكره الغبره
أخاف لا مادحي وإن عبت يشتمني
يا صاحبي لا تحط السلك في الإبرة
ألوم نفسي قبل لا انته تلومني
………………………………………..
………………………………………..
احرص ع شعري يالي دونت قيفانه
أخاف لا مفرداته تكســـر أوزونه
أقايس أقـصاه قبل أجـاذب ألحانه
ان جا على الذوق والا حزت من لونه
ما ودي اكتـب بيوت مـالها خانه
ابغي النقط ع الحروف تكون متقونـة
بعض الشعر كالذهب معناه وأوزانه
إذا نـفى .. كل أبو العراف يوعونـه
والا الهشر لو عرض ما ينشري بانه
يا ناظميـنه وراكــم ما تحاتونــه
الشاعر إن ما كتب بشعور وجدانه
يصبح من الصعب عنده شرح مضمونه
وانا لفتني عـروس الشعر نشـوانه
اسمع نـداها وأقول المن نـده عونـه
قالت على العز والـناموس شفقانة
طريت زايـد .. قالـت له ولعـيونه
هذاك ذكره يبـل ارياق ضميـانه
هذاك قـدوة وذوي الاريا أيـتقدونه
الفارس اللي تعـن الخيل لعنــانه
تسير له طوع لو ما هـيب معنـونه
عسر على العسر ياهو موسع ابطانه
له حكـمة منـها لعقول مفـتونـه
شيخ على العز وثق وحدة أوطانـه
لم الشمـول وغـدت بحماه مأـمونة
الله يسـعد حياته هو واخوانــه
شيوخنـا اللي لهـم لرواح مرهـونه
في ظلهم دارنـا بالخـير عمرانـه
سبـع الامارات باسم العز مصـيونة
عشنا وشفنـا لماضي الوصف برهانه
ماذلوا الـقوم لي تربـطهم امعونـه
عاش الوطـن لي سمو المجد عنـوانه
ويعيش منـهو برايـه وحد اركـونه
يعيـش زايـد ذرى وعربــانـه
نبراسنا هـوه والا وش نحـن دونـه
رمز المكارم ورمز الجود واحسـانه
ابو الـجمايل وابو البطولات من بونه
فضله علينا كبير وصعب حصيـانه
وارواحنا تعـيش له بالفضل مديـونه
ويالله يالله يا رب الكـون وسبحانه
يالواحد الي جميـع الخلـق يرجـونه
تحفظ لنا الشيخ زايـد طيلة أزمانه
آمــين عـسى ما يختـلف سونـه
…..
صورة الشاعر : –
والسموحه منك أخوي ” لامع ” جمعت لك اللي أقدر عليه .. لجل خاطر عيونك بس .. و اذا في جديد ماراح أقصر معاك .. والسموحه طال عمرك .
إذا تقصد محمد بن حماد الكعبي فهوماله أي تسجيل صوتي حسب ما أعرف بس له قصايد مكتوبة