السلام عليكم انشاء الله انا ناوي ابني بيت العمر انا حاليا سويت المخطط المبدئي يعني مقاسات الغرف والمقاس الاجمالي للبيت هو 600 متر مربع المهم انا حاليا في تحديد المواصفات واللي ابيه نصايح من الناس اللي بنت واللي يالسين يبنون نوع الحديد ,الاسمنت,السيراميك,الصبغ,المواد الصحيه رايكم يهمني انا مادور على تميز في اشكال وحركات انا ريال يبي يسكن يهمني جودة المواد اتريا ردودكم ونصايحكم.
ربي يوفقك ويسعدك
والأستشاري هو معك ومن طرفك فلا يفلت منك وينصحك
وما شاء الله الشباب وضحوا لك الشيء الزين
انت في أي امارة ؟
ما شاء الله شهريار ما قصر
وانا احب ازيد عليه الآتي:
الحديد : سعودي او قطري مثل ما تفضل اخوي شهريار
السيراميك والجرانيتي : الأسباني مثل ما تفضل اخوي شهريار بس سعره غالي شوي .. عندك بعد سيراميك راس الخيمه او سيراميك الخليج اسعارهم اقل وجودتهم وتشكيلاتهم مناسبه
الأسمنت: اسمنت الشارقه او اسمنت العين او اسمنت راس الخيمه .. هذي النوعيات جيده و انت اسأل وشوف الأرخص لك وين
الجرانيت والرخام: الحبتور
الخرسانه الجاهزه : العربيه او دافكو مكس
الطابوق : دافكو مكس او جمعه الماجد
الانترلوك: جمعه الماجد او كونتيك
الصبغ : ناشيونال مثل ما تفضل اخوي شهريار او جوتن
المواد الصحيه : مثل ما تفضل اخوي شهريار .. من مصنع راس الخيمه انواعهم جيده وتشكيلاتهم مناسبه
الخلاطات: انصحك بالقروهي الألماني .. يمكن شوي غالي بس نوعيه جيده ويعيش
الأبواب الداخليه : تقدر اتييبها من اي مكان بس اشترط عليهم ان الأقفال تكون من يال او كافلي .. هذي نوعيات جيده
بشكل عام اخوي انت لازم اتدور وتشوف بنفسك عسب تعرف الأسعار و وتشوف بنفسك المواد
ان شاء الله اكون فدتك والسموحه منك
بالتوفيق إن شاء الله
الله يعينك اخوي كل ربعي واهلي اللي بنو بيوتهم تعبوا الا المقاول من صوب والا الاستشاري من صوب ثاني وكل واحد يلعب ويتليوت من صوب
صدق بتطلعلك قروون منهم يلين مايخلصون من البنا…..
ان شاء الله نحن راح نبدا بعد العيد وبعدنا حتى ماخططنا ولا سوينا اي شي