السلام عليكم انشاء الله انا ناوي ابني بيت العمر انا حاليا سويت المخطط المبدئي يعني مقاسات الغرف والمقاس الاجمالي للبيت هو 600 متر مربع المهم انا حاليا في تحديد المواصفات واللي ابيه نصايح من الناس اللي بنت واللي يالسين يبنون نوع الحديد ,الاسمنت,السيراميك,الصبغ,المواد الصحيه رايكم يهمني انا مادور على تميز في اشكال وحركات انا ريال يبي يسكن يهمني جودة المواد اتريا ردودكم ونصايحكم.
بيت الهنا ان شاء الله
وربي ان شاء الله يوفقك يا اخوي
وتخلص وترتاح…
واختي mazyoona ربي يسهل عليج
وربي يحفظكم
مع كل الود
اختكم
سهمي عالي
بو احمد
الله يوفقك و يسر امورك في بناء البيت
انا بصراحه داخله و طالبه من خدمه و اسمحلي ما اقدر اساعدك في شي
انا في طور اعداد المخططات
و بما انك اعددت المخطط المبدئي اكيد لفيت و سألت
شو مساحات الغرف المناسبة و مساحات اللي يعزك الحمامات و الصالة و المجلس
لو تقدر تفيدني حتى لو بمقاسات مخططك
هلا بو أحمد
سيراميك رأس الخيمة ما فيه عيب
بس المشكله انه سعره في السوق صار مقارب لسعر الأسباني
من هذي الناحيه أنصحك بالأسباني ( لأنه الأفضل بلا منازع ) حتى السعر ممتاز ..
بالنسبة للكهربا ،، طبعاً دوكاب الكل ينصح فيه ( لأنه غالي ) !
أخوي العماني نفس الجوده و يمكن أفضل و أقل في السعر
أخوي بالنسبة للمطابخ
إن كنت تبي معدن و سعر رخيص ( سكومبليت )
و إن كنت تبي خشب ( إم دي إف ) مغطاة ( بي في سي ) هو الأفضل و الأرخص ( نوعاً ما )
الخشب الطبيعي هو الأفضل بطبيعة الحال ( لكنه غالي نااااااار )
تحياتي
الله يسمح ذنبك ماقصرت بس شو بلاه سيراميك راس الخيمه هل فيه عيب وشغل المواد الكهربائيه نصحوني بدوكاب ونسيت شغله بالنسبه للمطبخ والخزائن شو احسن الانواع اتكون ممتازه وسعرها ومعقول
هلا أخوي أبو أحمد
بالنسبة للحديد أنصحك بالحديد القطري
الإسمنت ( إسمنت الشارجه ) أو الإسمنت من دافكو مكس
السيراميك ( الإسباني و بس )
الجرانيت ( الصيني الفل بدي ) ممتاز جداً و السعر رائع
الصبغ من ناشيونال ( الأفضل و الأرخص )
المواد الصحية ( رأس الخيمه )
و الخلاطات ألمانية ( فريدريك غروهي )
أو تريدكس ( أرخص و تفي بالغرض )
بالنسبة للجبس و الديكور (( جبس الصحاري ))
الوايرات ( كابلات عمان ) رخيصة و ممتازه جداً
سوكيتات الكهرباء ( تينبي ) ممتازه جداً و السعر جداً معقول
و السموحه منك لو نسيت شي
و أي إستفسارات أخوك حاضر
و تتهنى ببيت السعد إن شاءالله