السلام عليكم ورحمة الله وبركاته
شحالكمـ
حبيت اسأل عن تجليد السيارة ” السقف والبونيت والدبه ” يباله تصريح ولا ..واذا يباله تصريح من وين اظهره الشرطة ولا المحل بيسويلي …
وحبيت اسأل سؤال ثاني العاكس مرخص ولا ؟
وعلى فكره انا من بوظبي والي يعرف محل يضبط هالشغله وبرخص يعطيني اسم المحل
والسموحة
كم سعر الجلاد الذهبي صدق 80 الف
كار كلبنك في بوظبي عندهم جميع الآلوان انا مركب عندهم وغيرول الملكيه من المرور
والاهم يركب السياره قطع كامله بدون وصلات انا شفت كمن سياره في الشارع فيهن مليون وصله
وهذا رقم الي يشتغل هناك 0506773807
الكروم الكل يسويه احين هيبته كلها سبوعين وبتروح !
حلاته يوم كان بتصريح ويباله عباله وغيره
بخصوص اخوي التجليد عند فويل كار ممكن يجلده لك ويطلع لك تصريح في نفس الوقت ويغير لك الملكيه
مرحبا اخوية .. بالنسبة للجلاد ال matt انا كانت عندي FJ وكنت مركبنه من شهر 2 2008
ولين يومك راكب حتى بعد مابعتها
اول شي لابد اطلع تصريح من اي مركز شرطة (يعطونك 15 يوم قابل للتجديد)
ثاني شي عقب ما تستلم السيارة من المحل لازم اتغير الملكية فقط اذا كان لون سيارتك ابيض وانت مركب اسود .. او اذا كنت بتدخل لون ثاني ع السياره مثلآ سيارتك بيضا وبتدخل رصاصي يعني لابد تغير الملكية عشان تستوي ابيض ورصاصي.
بالنسبة للجلاد المسموح لشرطة ابوظبي .. جميع الالوان ما عداااااااا الكرووووووووم الفضي فقط
اما الكروووووووم الذهبي واي لون آخر مسموووح
اما بالنسبة للمحلات انا ركبت عند تيتانيوم وعلى هذيج الايام وع FJ ب16000 وضمان سنتان والتركيب شغل عدل بس الله يجازي الحساااااااااد وين ما اسير احصل شخط ع الموتر هذا اللي كرهني بالسياره وبعتها.
نصيحة مني .. اذا موترك غاااااااوي ركب الذهبي الكروووووووووم لانه هو الدااارج احيييينه
واي لون ثاني ما يطاااااااااااالعوووووونه هذا من رأي المتواضع ولك الاختيار
والسموووووووحة ع القصور
بالنسبه للتنجيد عندك المرزوقي بشارع المطار والتنجيد ما يباله ترخيص بس المرزوقي غالي وشي محل في مصفح ما أذكر اسمه اظني انه اسمه بس بتخبر عنه و ببلغك اما بالنسبه للعاكس الي أعرفه انه ممنوع الا اذا عندك تصريح هذا حسب علمي والله أعلم