اخواني شحالكم عساكم طيبين بختصر لكم الموضوع ونشاءالله
الموضوع يعجبكم
شي ريال يبغي ياخذ سلفيه من البنك والبنك رافض تمويله الي اذا في حاله
وحده انه ياخذ سياره ويبعها لشخص ثاني علي هذا الأساس
اي واحد في خاطره موتر من الوكاله قيمته فوق 300 ألف
او 400 ألف او 500 ألف مب مشكله اهم شي يكون فوق 300 ألأف
مثال واحد منكم يبغي بي ام يروح هو وريال ويختار الموتر الي يبغيه واللون والمواصفات
مثال سعر البي ام 320 ألف هو بياخذها وبيرجع يبيعها لصاحب الموتر بياخذها بــ 320 ألف
من الوكاله وبيرجع يبيعها لك بــ 300 ألف
يعني انت استفدت انا طيح من سعر الموتر 20 ألف وهو استفاد انا المبلغ بينزل في حسابه كاش
لنا البنك رافض يموله
هذا الموضوع وبختصار ولي بخاطره الموتر اي ويتفق ويا الريال ويحدد الموتر الي يبغيه وفي اي
وكاله ويروح وهو وريال وياخذله الموتر وبينقص من سعره 5 بالميه من سعر الوكاله
اهني انت استفدت الي تبغي تاخذ الموتر وريال ماستفاد شي غير شي واحد انا سلفيه بتنزل
في حسابه ونشاءالله فهمتو الموضوع وتمنا ناس جاده لهذا الموضوع وناس فاهمه
هذا رقم الريال اسمه عبدالرحمن 0506114009
اخوكم
بن دولار
السلام عليكم ورحمة الله وبركاته من وجهة نظري الموضوع ما يعتبر تحايل على البنك ، لأن معنى إن البنك يوافق إنه يمولك سيارة بدون رهن معناه إنك حر التصرف فيه سواء بالبيع أو غيره ولا شو العبرة بعدم الرهن غير انه العقد الموقع بين الطرفين ما فيه بند يمنع العميل من التصرف بالسيارة ، والبنوك الإسلامية مسوية هالطريقة لسببين للنااس الي يبون يسافرون بمواترهم والرهن يسبب لهم مشكلة ومن جهة أخرى (قروض) بس بطريقة ملتوية وبأسلوب حلال قاموا بشراء سيارة بسعر وباعوها بسعر ثاني بعد إضافة الأرباح بالاتفاق والقبول وهذا حلال ، والمشتري ما عليه بعد أي شي لأنه إشترى من البنك وهو حر بحلاله لو حب يبيعه أما من ناحية الحلال والحرام كعملية البيع حق طرف ثالث بسعر أقل أو أكثر فهذا حلاله وما فيه شي بيع وشراء بالإتفاق بعد وما أعتقد فيه حرمة والله أعلم.
الرجاء التأكد من الناحية الشرعية على نوعية هذا النوع من المعاملات الحديثة بالإتصال على قسم الفتاوى بوزارة الأوقاف … حتى لا تدخل المسئلة في باب التحايل على البنك…
هذا لكل من يهمه التحرى عن الحلال…مش بعد ما تسوي الشيء تسئل عن الموضوع حلال ولا حرام …مثل اللي ياخد قرض ويشبع منه ثم يقول في النهاية إفتوني ماذا أفعل؟؟!!!
موفق بإذن الله … لك مني أجمل تحية .
واذا موتر مستعمل لكن مديله 2009 و سعره فوق ال300 يمشي الموضوع والا لازم الموتر وكاله؟
اكيد الريال مابيسوي هالحركه الا وهو بياخذ الموتر من غير رهن يعني بيطلب السياره تكون غير مرهونه وهذا بيزيد عليه الفايده يعني الفايده الزايده هو بيتحملها وفي نفس الوقت بيبيع السياره حق الشاري برخيص يعني انت بتحول له البيزات على حسابه وهو بيتنازل لك عن السياره
وفي هالحاله الكل كسبان هو لقى كاش لانه محتاي له وانت لقيت سياره بارخص من السوق والبنك بعد استفاد لان البنك يستفيد من السيارات غير المرهونه اكثر عن السيايير المرهونه
بالتوفيق ا ن شالله
الفكره وايد حلوه والي يبى يشتري موتر فوق ال300 انا شوفها فرصه
بس اهم شي سلم وستلم يعني تنازل واعطيك المبلغ
مانبى نسمع حد فتح موضوع وقال والله نصبوا علي وعطيته وماعطاني ومادري شو من هالسوالف
كل واحد يعرف الي له والي عليه من البدايه ومافيها مستحى او عيب يوم الواحد يطالب بحقه من البدايه لان السالفه هب لعب عيال
وربي يوفقكم ان شالله