سلااام للطيبين والطيبات..
تنبيه عام…للي يحدرون كارفور..
أنتبه وأنت تحاسب عند الكاشير…ستلاحظ السعر على السلعة أكثر وبزيادة عندما يحسب بالكاشير عن السعر الطبيعي اللي انت شفته بداخل المتجر….
الفرق ما بين 5دراهم….
وهذا تلاعب وسياسة للكسب الغير مشروع من الكارفور على المستهلك….
يعني تكون قيمة السلعة بالمتجر قليلة لكن عندما تحاسب عن الكاشير ييم الزيادة بالسعر..وطبعا المستهلك لا ينتبه من كثرة الأغراض….!!!
وايد ذكي اللي أخترع هذه الطريقة بالسرقة…سرقة عينك عين وراقية بعد….!!!
وأنا عن نفسي رمست الأدارة وهددتهتم بالشكوى عليهم..عند جمعية رعاية المستهلك..وبررو موقفهم بعدم العلم..وخطأ مطبعي….!!!
تخيلو يا أخوان…أحنا نعرف نقرأ ونحاسب..لكن لو كان المستهلك أحد من كبار السن..أو الجاهلين بالأرقام الأنجليزية أو الحساب..!!!
فالرجاء من عنده ملاحظة يتوجه للأدارة وتقديم الشكوى عليهم…!!
ويكفينا أستهبال بعقولنا يا تجار….!!!
وهذا من واقع تجربه…..وللعلم،،،،
أخواني..
الهايبر ماركت…أو اللو لو سنتر…تراه وايد يتلاعب بالأسعار..
للعلم فقط،،
أول مرة أسمعها سالفة الفار بالكارفور…!!!!!
اللي سمعناها سالفة الفار في كافيه ستار بوكس وبقسم الأكلات من كيك وفطاير…..
يالس يحلي….!!!!!!!!
والكوستمر….عاااااااادي…زياده بزياده..
والمشكلة أن السالفة حدثت بالمارينا مول..وعدال كثيرين من شاهدي العيان..!!!
لكن…..!!!
الكوفيه شغال….وما يهزك ريح،،،،