سلااام للطيبين والطيبات..
تنبيه عام…للي يحدرون كارفور..
أنتبه وأنت تحاسب عند الكاشير…ستلاحظ السعر على السلعة أكثر وبزيادة عندما يحسب بالكاشير عن السعر الطبيعي اللي انت شفته بداخل المتجر….
الفرق ما بين 5دراهم….
وهذا تلاعب وسياسة للكسب الغير مشروع من الكارفور على المستهلك….
يعني تكون قيمة السلعة بالمتجر قليلة لكن عندما تحاسب عن الكاشير ييم الزيادة بالسعر..وطبعا المستهلك لا ينتبه من كثرة الأغراض….!!!
وايد ذكي اللي أخترع هذه الطريقة بالسرقة…سرقة عينك عين وراقية بعد….!!!
وأنا عن نفسي رمست الأدارة وهددتهتم بالشكوى عليهم..عند جمعية رعاية المستهلك..وبررو موقفهم بعدم العلم..وخطأ مطبعي….!!!
تخيلو يا أخوان…أحنا نعرف نقرأ ونحاسب..لكن لو كان المستهلك أحد من كبار السن..أو الجاهلين بالأرقام الأنجليزية أو الحساب..!!!
فالرجاء من عنده ملاحظة يتوجه للأدارة وتقديم الشكوى عليهم…!!
ويكفينا أستهبال بعقولنا يا تجار….!!!
وهذا من واقع تجربه…..وللعلم،،،،
اللحينة أغلب المحلات يتبعون هالسياسة مش بس كارفور !!! ..
إللي يحضرني حالياً محل (تاب ألويا) و طبعاً في غيره و غيره .. و من بطرتنا ما نتأكد من السعر !!!!
للأسف هذه الطريقة موجودة عند جميع المحلات بالدولة ككل وليس فقط في كارفور…..والمشكلة لما تشتكي للجهات الاقتصادية او الرقابية يقول لك ياخي غلطة وبتتصلح…ياسذاجة المراقبين عندنا.
الحين يت على الخمس والعشر ……
يمكن الكاشير يختلس
مثل سالفت الريال اللي يا ايصب بترول من الشيشه اللي عدالنا عطاهم بيزات وعقب ما صب الهندي وخلص قال ما عطيتني
عقب اتيامعو كلهم وقالو بنعيد الشريط اللي في الفيديو شافو الريال صدق دفع للهندي …..والهندي ينكر …….جان ايغرمون الهندي على الجريمه
انا أشل واحط ولا ادري عن شي هالمرة بنتبه
صار لي نفس المشكلة بمركز اللولو القريب من النادي الأهلي , وكان الفرق 75 فلس وعلى بضاعة اساسيه متداوله بشكل كبير ..
سويت لهم زوبعة على الكونتر و خلوني اقابل مدير المركز بمكتبه على ما اذكر الدور الثاني والدخول من مكان الموظفيين ..
قابلني المدير وجلس يشرح لي الخطأ فطلبت منه
يعطيني اجمالي المبيعات على نفس المنتج عن طريق ( بار كود ) لأخر 7 ايام ..
طبعا ليش اخر 7 ايام (( عشان اعرف متى كان التعديل على البار كود )) …
وجابولي اللسته وكان سعر المنتج مختلف عن السعر الأصلي فقط من تاريخ اليوم ..
وعدد المبيعات لنفس المنتج ( تقريبا 3الاف ) اي مايقارب 2300 درهم ….
تم التعديل على المنتجات الباقية (( تعديل استكر البار كود )) … اما بخصوص المبالغ الزيادة المخصومة من المستهلكيين ..
اتصل المدير بوزراة الاقتصاد على اعتقادي او احدي الجهات وشرح لهم الوضع الحاصل فطلبوا منه تحرير شيك لإحدي الجمعيات الخيرية … وتم تحرر الشيك على ….
انصح الجميع بالتاكد من سعر البار كود من خلال اجهزة متوفرة بالمركز لمعرفة السعر ….