السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
السلام عليكم ورحمة الله وبركاته
هدوا يا جماعة الخير .. ترى الا موضوع في آراء ومناقشة
وفي النهاية ترى كلكم عيال زايد الله يرحمه
استهدوا بالله .. ترى اليوم ليلة جمعة
ههه اشك بعمريه على شوه رمسه نت ؟! انا ابخص بعمريه وادرى انا شوه لكن علاقتك ياطويل العمر
انك ماثمنت رمستك حد يقول في منتدى بهالحجم “خرفنه” و”خروف” على فكره تنكتب جيه مب
“خاروف” الله المستعان ..
الاخ عتيم انت تشوف عمرك خاروف؟؟ اذا انت شاك بعمرك انا شو علاقتي يخوي؟
كبر عقلك ورمس بشي انت تعرفه وعامل حسابه انت مابترد علي الا اذا شكيت بعمرك
ولا انا انسان ماعرفك عشان احكم عليك الا بالنت ولو اني اشوف اغلب ردودك اوك الا هالرد مادري شو ياك ههههههه عموما انا ماقصد الكل ولا من حقي اجمع اصلا ولاتستعيل علينا وخل هالمثل القديم عين وطبع ههههه
الرياييل محشومين طال عمرك ولحد يفهمني غلط ( اللي بيفهمني غلط هو اللي انا اقصده)
والسموحه
500 الف
فورويل—————- جي500
صالون————— باناميرا
اذا بريح راسي ونفسي لكزس والباقي استثمرهم