السلام عليكم و رحمه الله وبركاته
طبعا الجميع لاحظ في الاونه الاخيره ان المرسيديس جي 55 زاد في الخليج و انه الطلب زاد عليه جديد كان او مستعمل ,,
والغريبه !!! ان الناس قاعده تشتريه و تجازف في فلوسه حتى لو كان ماشي وايد !!
معضم اعلانات الجي 55 المستعمل موديل 2007 و 2008 و 2009 ,, واغلبيه هالسيارات تكون ماشيه فوق ال 90 الف كم ,, والي يدهشني أكثر انه عليه طلب والبائع ما يسكت تلفونه من الاتصالات.
الي محيرني انه هذي السياره غير عمليه بمعنى:- انك يوم تشتريها اول شي لازم تبدل الجانبينات و سبيسرات وو طبعا شرط انك تركب ارايل كلداري ,, يعني بتكون مخسر لك اقل شي مال 30 الف درهم
اما عن استخدامه و خراباته ترا اذا كان عالضمان انته والخير ارباعه , بس ياويلك اذا طلع من الضمان .. واحد من الشباب عنده 2007 و ماعليه ضمان و اخترب عنده السوبر ,, على ماعتقد كلفه التصليح برع الوكاله 20 الف درهم .
غريبه هالسياره سعره دايما فالعلالي وتحافظ عليه اكثر من التويوتا و الكزس.
(( في شي في الجي 55 بصراحه كلنا نتفق عليه الا وهو شكله ومضهره الخارجي وهيبته الجذابه))
والسؤال الي حاب اسأله جميع الشباب ,, اذا عندك 500 الف كاش اي سياره بتشتري,, وشو السبب ؟؟؟
اكيييد بووورش911 تيربووو
أو r8 كت abt
+1
ماشي شغل أعق نص مليون على موتر
لو عندي ملايين بنقول بس واحد منتف ويتسلف نص مليون من البنك ويكشخ فيهم
بسويلي فتك ولا ستيشن فل ستروكر خخ
ربي يوفقكم
نسيت ما أحلم أقصد أرد على سؤال صاحب الموضوع هههههه
اذا كنت مخصص 500 عشان أشتريبهن سياره بتريا الين ينزل سعر ال sls وباخذلي واحد مستعمل لونه أبيض أو أسود.
والسموحه
السلام عليكم ورحمة الله وبركاته ,
موضوع جميل وما شاء الله مشاركات جميله من الشباب.
أنا أشوف اذا شخص عنده 500 الف كاش ويبا يشتريبهن سياره , بيعتمد على كم عنده غيرهن , مثلا:
1) اذا كانت هذي ال 500 راس ماله وما شي غيرهن ومحتاج سياره , أحسن له يدور سياره من 100 لين 150 الف. مثلا اذا يبغي صالون : ياخذ كامري أو أفالون واذا فورويل عنده الاف جي , السياره اليابانيه اليديده تفك من ويع الراس. الباقي يتزوج به أويستثمره او يسويبه اي شي مفيد.
2) اذا ال 500 عنده غيرهن 500 يقدر يدور شي بحدود ال 300 وتحت , لليديد أرشح النيسان اليديد 400 حصان فل اوبشن (لأني من مشجعين النيسان هههه) أو استيشن يديد 5.7 موتر حلو بعد. للمستعمل أرشح اللكزز 570 .
3) اذا ال500 عنده مليون أو أكثر وخلص كل التزاماته من زواج وبيت والخ ارشح التالي (اللعب مع الكبار ههههه):
– اذا يبغي سبورت و تكون سياره يديد أرشح ال 35 gtr الأبيض أو الأسود ثانيا ارشح الzr1 الرصاصي الغامق أو الأزرق
– اذا يبغي فخامه و سبورت وتكون يديده أرشح بشده ال( cls63 amg) الشكل اليديد أبيض ,عنابي ,أو أسود ثاني سياره أرشحها لهذي الفئه ال E63 AMG الأسود ,ثالث سياره المازوراتي قراند تريزمو اس الاسود أو الأبيض أو الرصاصي الغامق (ماتوقعتوها صح هههههه)
-اذا فخامه بحته وتكون سياره يديده ارشح البي ام دبليو 750 LI ابيض أو أسود وبعدين الأودي A8 الشكل اليديد أسود أو أبيض وأخيرا ال S500 للأبيض (ال S500 كنت بحطه الأول لكن عيبه شكله بيتغير جريب)
-لليديد الفورويل أرشح البورش كايين اليديد بعدين الفوج اليديد وبعدين اللكزز فورويل 570 .
-للمستعمل سبورت أرشح اللمبورقيني قالارادو أسود على أسود على رنقات سود وسفايف صفر (ياسلااااام هههه), وبعدين البورش 911 توربو أو ال gt2.
-للمستعمل السبورت الفخم أرشح الSL63 or 65 amg من 2009 وطالع.
-للمستعمل الفخم أرشح المرسيدس الs65 amg او الs600 .
للمستعمل الفورويل ارشح الكايين توربو اليديد أو البي ام ال x6 ام بور أو الرنج فوج السوبر اليديد.
وهذا رايي و السموحه على الاطاله.
والله يوفق الجميع