السلام عليكم
أخوكم (تشرخي) فقير
ما شاف حد منه إذيّة
يالس في حاله:
تشاي كرك،
وخبزه هندية
عنده شوية خريدات،
يعني: هن فوق الميّة
قالوله: يالخبله ..
حطهن في السوق المالية
سرت ابا اتخبر عن السوق.
قالوا لي العقارية
هاي الإتحاد إلي ربحها
مية بلمية
هاه… شو …
عِيَل هاي الصفقة المليونية!
حطيت خريداتي وعليهن
آآنتين في هالشركة القوية!
يا اخوان: قلت قوية،
لأنْ سعرها كان بليّه
صارت يوله وعفسة،
وانجلبت الحال بيّة
من عقب طلعتها وحلاتها
استوت بكم روبية!!!!
يا عيال، شو السالفة ..
محّد يرد عليّة !!
قالوا تجزئة واكتتاب
وخرابيط ما تمشي عليّه
وين خريداتي، وين
هالإكتتاب إلي
خذ كل ما لديّه
متى بشوووف فليسااااتي
إلي طارن عليّه
ردو علي يا هل المنتدى
ولكم مني عطيّة
وصلوا وسلموا يا ناس
على خير من جاهد بنيّة
من نسل عدنان،
“محمد” سِيْْد البريّة
“صلى الله عليه وسلم”
أخوكم “تشرخي”
اخوي تشرخي صح لسانك
آمل قراءة البيت وتطبقة وراح باذن الله تكسب
وتكسب ذهب خلال اقل من 6اشهر بمشيئة الله
نبيع ونشتري
وماكسبنا إلا من العربية
الكلمه & معناها
العربية : الشركة العربية للإنشاءات (artc)
اخوي تشرخي صح لسانك
آمل قراءة البيت وتطبقة وراح باذن الله تكسب
وتكسب ذهب خلال اقل من 6اشهر بمشيئة الله
نبيع ونشتري
وماكسبنا إلا من العربية
الكلمه & معناها
العربية : الشركة العربية للإنشاءات (artc)
صح لسانك الشاعر على هل لابيات
تسلم يالغالي وجزانا الله واياك كل خير ان شاءالله و اكرر واقول لاتخاف رهانك كان اكثر من موفق وتذكركلامي لين شفت نتايج الربع الاول بعد كمن اسبوع..
اخوك هاوي العقارية :fffggg4:
الله يبشرك بالجنة
يا محب العقارية
بردت على قلبي
وهدّيته شويّة
وإن كان الي قلته:
إني لازم أتريّه
على الإكتتاب
شهر وشوية
مب يايز لخوك
لأنه ما عنده روية
وياليت الإكتتاب يهل
باتشر عليه
لاكن قال ربي
وقوله حق عليّه
“اصبروا”
سمعاً وطاعة
يا رب البريّة
ولك، وانا اخوك
الوعد.. مني عطية
يجزاك ربي ألف خير
وألف ألف جزية
وعدد من خلق من نور
واعداد هبوب ندية
ومن قال “جزاك المولى خير”
أجزل بالعطية
(تشرخي)