تم إلقــاء القبض على السيد المحترم أحمد عبد القادر وأثنين من معاونيه من الجنسية الخليجية بتهمة النصب والإحتيال والإستيلاء على أمـوال الغير والتحقيق وياهم بعده شغال وتم إستدعاء حتى الوسطاء اللي يغرون الناس ويقصون عليهم ويوصلون الناس إللي عمتهم الفلوس للمحفظه هاي لانهم مستويين وسطاء وهم روحهم لايملكون عقود أو أي شي يثبت مشروعية هالمحفظه وعلى فكرة الموضوع مرتبط بالمحظه الثانية إللي شرد صاحبها (الحوسني) بس بعد أبشركم أن أنزخ وهو في إيطاليا والريال طلع يتعامل بعد ويا أحمد عبدالقادر والله يعين الناس إللي مافكروا إلا بالفلوس ولا حاتوا الحلال من الحرام كل همهم جمع البيزات ويوم نصحناهم قالولنا خلوكم بفقركم ــــــــــــ الله كــــــــريم
والقانون لايحمي المغفلين
حصري من الشحي2
كل يوم يظهر لنا رقم يديد .. و معادلة يديده .. مره 7 مليار ومره 400 مليون .. وباجر بيخلوها 10 مليون .. ؟!!!
نبى شفافية يا اعلام …..!!!!!!!!!!!!!!!!!!!!!!!!!!!!!!
اذا كنت مشارك في محفظة احمد عبدالقادر يرجى الاتصال على الرقم 025088888 واعطائهم معلومات عن اسمك ورقمك للاهمية
انشرها
وصلت لي بالمسج
سوري
بس الفضيحة انه مواطن والعالم كلها عرفت
مايعرفون اصلي ولا تقليد
في النهاية فضيحة
الشحي لاتسوي عمرك واحد (واصل) وعندك أخبار وعلوم….السالفة صار لها 3 ايام…..وانته توّك نشّيت…..؟
1000 شكر أقولها لأحمد عبدالقادر….فخلال 6 شهور فقط ضاعفت رأس مالي أكثر عن مرة… واللي بيقول (حرام) إييب الدليل ولا لايفك نطعه ويتم يبربر برمسة فاضية…..
وإذا راح راس المال…..يفدى راس بو شهاب… وشياكتي ببروزهن وبحطهن في صدر الميلس…!!
20 شركة موجودة تاخذ فلوس الخلق وتحطهن عند بوشهاب…..وعقب ياخذون 40% ويعطون الناس 7, 12, 15, 25 واللي يقهر هذا اللي يعطيك 23% أونّه حاسبنها بالفلس…يعله الفلس….
يشهد الله إني مسامح بو شهاب دنيا وأخره…..
وبإذن الله شدة وتزول….وبيظهر بو شهاب بريئ … وسيعود ليغرّد في سماء الإستثمار طويــــــــــــــــــــــــــــــــــــــــــــل الأجل !!
لا حول ولا قوة إلا بالله