السلام عليكم …
شحالكم أخواني ؟! أخباركم ؟!
شحالكم أخواني ؟! أخباركم ؟!
حبيت اليوم آخذ أرائكم و تجاربكم بخصوص محلات الخياطة الرجالية في الإمارات ..
المشكلة اني كنت افصل دايما عند محل عندنا ، بس للأسف الشديد
سكروا المحل و الحين محتار وين اسير و وين افصل !
حبيت انكم اتفيدوني بأفضل خياط في دبي او الشارجة …
نصحوني بالنوخذة اللي في دبي او المشير , العربي الممتاز , الكشخة ، السيوفي , الثوب الوطني ….الخ
ياريت لو كل واحد يقول لنا من وين يفصل و شو رأيه في خدمتهم و خياطتهم ، ابى خياط عنده اقمشه حلوه (خفيفه أو ثقيله) و خياطته تكون ممتازه و يا ليت تخبروني بأسعاره (تقريبا يعني)
تحياتي للجميع ..
يعطيكم العافية ع الرد و المرور …
ننتظر المزيد من الردود المميزة و النصايح الجميلة و المفيدة …
تحياتي للجميع
المدني و بس
عندك اليوش وايد كشخه يمدحونه بس ولامره فصلت عنده ههه
هب مقتنع اني اغير العربي مادري عيازه او عدم ثقه في باقي المحلات
انا الحين صاري 4 شنوات اخيط عند الدفة في بوظبي
رحت المحل اول مرة عشان ياخذ القياس ومن عدها امر اخذ الكنادير لاني اسويله تلفون وقوله خيط هاللون وما يحتاي اغير القياس وااايد صراحة معاملة حلوة كلها بالتلفون
العربي الممتاز بس بشوف رايكم عن الخياييط الثانيه