للأسف الشديد .. اليوم رحت أشوف سيارة جيب رانجلر .. شفت الاعلان في الجريدة جيب رانجلر Rubicon للبيع .. على العموم الالماني النصاب عامل زوايد Rubicon على السيارة بس السيارة مو Rubicon .. السيارة طلعت جيب Sport اللي هي أرخص بوايد .. 
وأنا انسان على قد حالي .. مالي في السياير .. ما أكتشفت السالفة الا بعد ما تم الشراء .. اكيد بعضكم بيقول اني مغفل والقانون لا يحمي المغفلين .. بس انا مالي في ذي السوالف .. والله انه مسويلي مسلسل من الكذب ..
شو أسوي وياه .. هل قانونيا هو ملزم يردلي فلوسي لانه كتب في الاعلان شي والسيارة شي ثاني ؟
الله يعوضك خير انشالله
حبيت اوضح للأخوان
قبل فترة تقريبا من 2 الى 4 سنوات كان فعلا في زوائد للجيب رانجلر يتم تركيبها من قبل الوكيل و عليها شعارات Rubicon
و الجيب رنجلر يوجد منه
صحارى
سبورت
Rubicon
بس النوع الاخير غير متوفر عند وكلائنا في الامارات
بس ممكن تشتري السيارة مجهزة من قبل الوكبل بزوائد Rubicon
فعلى ما اعتقد ان الشخص اللى باع السيارة اكيد شارنها و مركب عليها الزوائد من قبل الوكالة
و للعلم تكلفة الزوائد من الوكالة مع التركيب 15,000 درهم
فالملكية ما ينكتب روبكان ولا سبورت و لا صحارى
هذا يسمونه تغرير و تدليس .. فالبيع فالقانون المدني فحالتك هالشروط متوفرة
و تقدر تحصل حقك بسهولة .. بس خلك وياه بالزين لان بالمحاكم بتلف سبع لفات و بتدوخ شهور
ما توصل انك تسميها لحد الاحتيال لانها محتاجه شروط اكثر
وبضيف على الاخ هاجس الشوق
انك تسير الوكالة وتاخذ منهم ورقة انه هالسيارة نوعها سبورت مب روبيكون