السلام عليكم إخواني حاب أشتري شقه استثماريه في عجمان أبغي أراءكم في المشاريع العقاريه اللي الحين طالعه اي وحده أفضل من ناحية الخدمات وتوصيل الكهربا وسرعة الإنجاز واي وحده وهميه وشو هي اقتراحاتكم اشتري شقه جاهزه أو تحت الإنشاء والسؤال الأخير والأهم متى أشتري عل بداية الصيف ولا أصبر شوي لأن الأسعار بتنزل ؟؟
محتاج نصيحتكم ولا تبخلون على أخوكم بالرد ومشكورين مقدما وبالتوفيق انشالله للجميع
5 thoughts on “أبغي شقه في عجمان ومحتاجه نصيحة أخ قبل ما يكون وسيط تجاري”
Comments are closed.
ما أنصحك تستثمر في عيمان أبدا…
أولا لا يوجد بنية تحتية…
ثانيا : لا كهرباء وماء..
ثالثا: التنظيم العقاري اللي عندهم اسم فقط وهم ما يعرفون شي…يعني اذا طحت بمشكلة ما بتعرف لمنو اترووح…
رابعا: المطوريين ما عندهم حساب ثقة(يعني بأي وقت المطور يشل الفلوس ويشرد)
خامسا: الاستثمار في دبي أفضل والاسعار نزلت بشكل كبيير …
وبالتوفيق ….
إخواني اركاز، بوظبي كاسبر ، رمض الفصال الله يكرمكم عالرد وفي ميزان حسناتكم
السلام عليكم
انا مع كلام الاخ بوظبى ………..
نصيحتي لكلاتاخذ شي الحينه
اول شي العالم في ازمة والاسعار طايحة والتنظيم العقاري مب عارف كوعه من بوعه
ووااايد من المشاريع غير متأكدين منها الناس ولا المطورين
انا عن نفسي خذت قبل سنة برج في سكاي تاور ولين الحين لا بدأو في البناء ولا سوو شي ومتوهق ابا ابيع او ارد فلوسي ومب قادر
لو بتاخذ خذ شي جاهز وموجود وتقدر اتشوفه ولو بتصبر احسن لان الناس متوقعين بتنزل الاسعار في الصيف واتوقع اسعار البيوت الي فعجمان قاربت من اسعار الشقق مب احست ادور ع بيت شعبيي وتشتريه ولا تصدع عمرك
الله يوفقك
النصيحة
1- شراء شقة جاهزة
2- شراء شقة تقريبا شبة جاهزة يعني بتتسلم خلال شهور
عندج برج هورايزون جاهز
2- ابراج الخور
3- ابراج الراشدية
4- جاردن سيتي
اما شارع الامارات بصراحة ما عندي فكرة بس في ابراج شبة جاهزة بس ممكن تشوفينها
اما عن الكهرباء ما اعرف توقيت التوصيل
ابراج النعيمية والخور فيها كهرباء
جاردن سيتي تسليمها شهر 1 /2010
يعني بعد 7او 8 شهور
الاسعار طبعا تختلف من برج لبرج