أمانينا تسبق تهانينا
وفرحتنا تسبق ليالينا
ومبارك الشهر عليكم وعلينا
مطبخ مكتوب الشعبي يرحب بالطباخين والطبخات
المهره في فن الطبخ
يفتح المطبخ أبوابه طيلة شهر رمضان المبارك
للي يعرفون
يطبخون فقط (انا خارج الحسبه)
كل تجاربكم الناجحه والفاشله 
مقبوله !!
مقبوله !!الاطباق الرئيسيه والشعبيه … المقبلات …
الحلويات … المشروبات …
كل مايخطر على بالكم
ويدخل في شؤون ادارة المنتدى اقصد المطبخ
اقصد المطبخ اما اللي ما يعرفون يطبخون ………….. يتفرجون
ويتهلعون ويتحسرون 
وهذا الشهر هو شهر عبادة وتقرب إلى الله
عز وجل وليس بشهر الموائد والاسراف في تناول
الطعام
فالأعتدال افضل الامور
ومرحبا بكم
المحتشره . منى الروح . عبق الورد
ذبحتونا حرام عليكم
بس طلعت وحده يديده تطبخ ونحن ماندري عقب تحدي طلعت عبق الورد
عقبال ديره ياااااااااااااااارب
المحتشره . الفطاير او العجين مسويتنهن مثل القباقيب
عاد منى الروح سالفتها سالفه . بينزا على ورق عنب على فطاير بالجبن
يعني يت على العوووووووووووووووووق
قمت ارون
انا من النوع اللي يحب يسوي أكلات سريعة خاصة في رمضان
ما أحب أرقد في المطبخ .. بس سويت على السحور عرايس تاكلو صوابعكو وراها
إليكم الطريقة وبعض الصور الملطوشة اسمحو لي ما صورت من عندي
طبعا المقادير وايد سهلة خصوصا اذا اللحمة جاهزة ..
ناخذ لحمة خاصة بالعرايس تلقونها في الجمعيات متبلة وجاهزة
ممكن تضيفولها بقدونس وطماط وبصل وبهارات زيادة من عندكم اذا حسيتو ان الخلطة تحتاج وتخلطونهم مع بعض
نضيف شوية زيت على اللحمة شي بسيط وأحلى زيت هو زيت زيتون لأنه ألذ في الطعم وصحي
تاخذون خبز لبناني و تقطعونه نفس اللي في الصورة
طبعا نفتح الخبزة ونحط فيها اللحم بس ما نكثر من اللحم يعني طبقة معقولة ونسكر الخبزة ونرصها
بعد ما نخلص ندهن العرايس من برع بشوية زيت زيتون وما نكثر عشان ما تكون مزيته وايد
ناخذ قطع قصدير ونلف فيها العرايس في ناس يصفون العرايس في صينية بدون لف بالقصدير بس لما تنلف بالقصدير احس يكون لها طعم ثاني
دخلوها بالفرن لمدة 30 دقيقة تقريبا وبعدين شيكو عليها اذا احمرت الخبزة يعني خلاص ..
وهاذي النتيجة النهائية
وبالعافية عليكم ..
أنصح البنات يجربونها لأنها وايد وايد سهلة وما تاخذ وقت طويل
تبين الراي الطيب صدقي عمرج وانتي واثقه بعد
ماشاء الله عليج
تسلم اناملج الذهبيه
انا بتحول حذالكم
اخاف المنتدى بكبره يتحول حذال بيتكم
ما قصرتي وعدتينا ووفيتي بوعدج
الله يعطيج العافيه الغاليه
الله يحييييج يالطيبه ويبقيج ما تقصرين
ما عليج زود
وتسلم عيونج الغاليه ونحن كلنا في انتظار ابداعاتج
المميزه وصدقي عمرج ليش ما تصدقين ما شاء الله عليج ماهره في الطبخ
حور ما بننسا شدي حيلج
في الانتظار