مرحبا صبايا و شباااااااب
صبحكم الله بالنووووووووور و السروووووور
بخبركم عن سالفه ضايقتني البارحه و خبروني شو رايكم في الموضوع
ادري ان تكلمنا عن الموضوع قبل بس حان الاوان عشان نفتح صفحة نقاش يديده
البارحه شاله ماماتي و سايرين دراجون مووول
و لاني اعيد تأثيث حجرتي كنا نحاوط صوب قسم الاثاث و الاناره …و يو جدامنا ريالين
و عيالهم داخل المحل يلعبون على الشباري يعني جي قسم مال اثاث الاطفال و اليهال مستانسين…و جان واحد منهم يزقرهم و يقولهم يلا تعالو …البنت الصغيره يمكن عمرها 5 سنين نشت على طول و يايه بتظهر و هي تركض و تدعم الزجاااااااج دعمه ما تبا غيرها …دبففففففففففف صدق زلزال
انا قلبي عورني من قوة الصوت …حليلها تمت تصيح ..و الا اشوف الابو ساير يركض صوبها ..انا صديت ورا اشوف البنت و الا اشوف فلعه بنفسجيه مب طبيعيه في نص يبهتها يعني مسرع ما علمت يبهتها من قوة الضربه…و في هذه الاثناء وصل ابوها عندها…انا اتحراه بيلوي عليها و بيطيب خاطرها….و يعطيها كف بيديه اللي كبر القفعه على ويهها
انا واقفه فاجه حلجي؟؟ شو ذنبها انزين؟؟ انت يالس تصارخ تزقرهم و يوم يت تركض لانها ياهل ما لاحظت الزجاجه ..و تي انت تعطيها كف على ويهها!!!
انا و امي صدق كنا مبهتين و انا ابا اتدخل بس يودت عمري قلت ها الريال ما يستحي على ويهه جي يعامل بنته اللي من دمه و لحمه..انا الغريبه اتدخل شو بيسويبي؟؟ بحصل كف ثاني!!
الموهيم وايد تضايقت ..حسيت اني ابا اصييييييييييييييييح…تم صدق مزاجي متعكر ..شو ها الابو المتوحش ..ناس يتمنون العيال و يدفعون الالاف و مئات الالاف عشان يتعالجون ..وحليلها البنت كسرت خاطي بالقو من عقب فلعة الزجاج اييها ها يعطيها طراق!!
و انتو الله عاطنكم عيال تصفعونهم جي جدام الناس ليش يعني تتحرون الياهل ما يحس؟ الياهل يحس و ما ينسى و مثل هالمواقف تخرب ثقته بنفسه و تسبب له عقد نفسيه طول عمره !!!
شخصيا انا ضد الضرب عموما حتى لو في البيت…الانسان الفاهم المتعلم يحصل وااااااايد اساليب تأديب مب شرط الضرب على اي شي تافه..ترى اليهال لازم بيتشيطنون و بيلعبون و الا شحقه مسمينهم يهال
هكم عيالنا ما نضربهم و لا اصلا يسوون شي يستاهل الضرب..لكن احس اللي ينضرب يتم يعاند ..يعرف يحرق اعصاب هله عشان يستفزهم..و انا شايفه يهال من هلنا ييلسون يتشيطنون و يسوون كل اللي ما يرومون يسوونه في البيت..يظهرون حرتهم في تجمعات الحريم بس عشانهم يدرون ان امهم ما تروم تنش تظربهم في نص الحريم…يعني هي لو ما تضربه من الاساس و تتعامل وياهم بأساليب ثانيه مثل الحرمان و المكافأه..ما بتحط عمرها في هالموقف
انا ما انتقد الناس اللي يستخدمون الضرب وسيله تأديبيه..كيفكم ويا عيالكم.. مع اني ما افهم شقا قلبكم يطاوعكم تضربون طفل بريء…بس الضرب في مكان عام!!
شو رايكم في اللي يضرب عياله جدام الناس؟؟
لو نحن في امريكا جان الولد عادي يشتكي على امه و ابوه اذا انضرب و بيوقفون مع الولد و بيحمونه
بس انا ضد الدلع الزايد للاطفال
…………
وبهبهات هالأيام ما يفيد فيهم الا الاعدام كحد ادنى اذا هم بيعاملون عيالهم بهالطريقه وجدام الناس .. انا لو مكان دبي بيبي بسير عند البنت وبعطيها كف جدام ابوها وجدام الناس اقوى عن الكف اللي حصلته من ابوها !! وبنشوف اذا قلبه بيعوره عليها ولا لا !!
وبعدين التكفيخ والتصفيع بتشوفه برع المنتدى بس انته اطلع اليوم بتلاقيني انا وربعي نترياك على باب المنتدى .. هات ربعك وياك
الضرب المفروض يكون في حدود المعقول
و مش عشان اي شي نضرب العيال
كل شي و له حد
انا مع الضرب فالشئ الجايد
لاحول ولاقوة الا بالله