اولا قبل ماقولك الخلطات والطريقه لتطويل
ابي اقولك اشياء ضروري انك تبتعدي عنها حتى شعرك يطول ويكون جميل
1- السيروم
لانه كيميائي ويحسّن
منظر الشعر وقت بسيط بس عند الاستحمام وعندما يختلط بالماء والشعر يفرز مواد تتلف الشعر بشكل كبير ويتساقط
2- الاستشوار والمجفف الكهربائي والفير
ايتعدي عنه الا اذا في مناسبه كبيره مثل (زواج) مو مشكله لانه ضروري
3- البيض
اكثر البنات يحطونه على الشعر حتى ينعم الشعر ويكثفه
ومايدرون انه السبب الاول والاهم للقشره وهو الي يتعب الشعر
----------
هذي هي الخلطه :
تجيبين بصله متوسطه الحجم مقسمه الى اربع اقسام
2 فص ثوم مقسمين الي نصفين
3 ملاعق كبيره سدر مطحون
زيت خروع
زيت زيتون
كمية من الماء
الطريقه
جيبي البصل والثوم وحطيهم في الماي وانتي حددي كمية الماي اللي تناسب شعرك وخلي البصل والثوم يغلي في الماء لين يصير لون الماء اصفر
بعدها صفي الماي من الثوم والبصل
وجيبي باقي المقادير (سدر،زيت خروع،زيت زيتون) واخلطيهم في الماء واعجينهم مثل عجينه الحنه لاهي سائله ولا جامده نص ونص وبعدها خليها لين تبرد شوي
وبعدين حطيها في شعرك بالمساء وبالصبح اغسليه
والجميل انه لايوجد ريحه للخلطة ابد
وصدقيني بتلاحظين الفرق من اول استخدام
ويفضل تستخدمينها مرتين بالاسبوع لنتيجه اسرع
