والله نتيجة ولا أروع:
انا هقولك على تركيبة مجربة (راااااااائعة) , سهلة جدا وكمان نتيجة رائعة, بالاضافة ان طعمها خطير بس حراقة شوية ودا المطلوب:
1- ملعقة صغيرة زنجبيل بودرة ( مليانة بشكل هرمي يعني على الاخر جدا)
2- نصف ملعقةقرفة مطحونة
3- ملعقتين لبن بودرة ( او شوية لبن طبيعى)
4- ملعقتين سكر
نضع عليهم الماء المغلي زى ما بنعمل الشاى
نشرب منه كوب واحد او كوبين ( حسب رغبتك) فى اليوم , بس اهم حاجة انه يكون بعد الوجبة الرئيسية ( مش مهم بنصف ساعة او ساعة او حتى ساعتين) , بس انا عن نفسى افضل نتائج كنت بلاحظها لما بشربه قبل
النوم.
هتشوف نتيجة رهيبة من الاسبوع الاول (حاجة ولا فى الاحلااااااااااام ) , استمر عليه لمدة شهر او شهر ونص وهتنسى شكل الكرش دا كان عامل ازاى.
انا جربته على نفسى اولا وعلى واحد صاحبي ثانيا , مش هتصدقوا اللى هتشوفوه بعنيكم. ولما حصلت على الشكل المطلوب وقفته لفترة مؤقتة بعد شهر ونص من استخدامه يوميا لكى لا يعتاد الجسم عليه وخوفا من ان يسبب
ارتفاع في الضغط من طول الاستخدام , بس ناوي إن شاء الله ارجعله بعد اسبوعين تلاته للمحافظة على النتائج اللى حصلت عليها.
مع ذلك يجب التقليل شوية من كمية الاكل ونوعيته يعني نبعد عن الدهون قدر المستطاع.
ليا طلب واحد عندكم اللى يشوف النتائج اللى انا شفتها بنفسي ما ينسانيش بدعوة بظهر الغيب ان ربنا يحسن ختامنا جميعا
