السلام عليكم
اليوم وانا اقرأ في جريدة الخليج على الانترنت لاحظت اعلان لمنتج يسمى زيرونا
هو عبارة عن جهاز يستخدم لجلسات ليزر على جميع اجزاء الجسم والليزر المفروض يذوب شحوم الجسم وينقص لما يصل لل 12 سم من قياس الجسم
المهم في البداية يوم قريت عن الموضوع قلت في نفسي هذا اختراع العصر وانجاز يعني لا عمليات ولا هم يحزنون بس سير وارقد على سرير ل 40 دقيقة والجهاز يركز على كل صوب ل 20 دقيقة
حتى فكرت اخبر الاخ اللي يبي يربط المعدة عنه !!!
عقب سرت النت وسويت سيرج عليه والله اكتشفت ان الجهاز يديد لكن اللي استعملوه قالو انه غير مفيد بالمرة وسعره مبالغ فيه يعني جلسات اسبوعين ب 7000 درهم !
وواحد يقول ان ال 12 سم مجموع كل السنتمترات اللي تفقدها من جسمك كامل مب بس منطقة وحدة
صراحة اراء الناس في امريكا ما تشجع لهذا المنتج ومعظمهم ما لاقو النتائج اللي توقعوها
حبيت ارفق الرابط للموقع اللي فيه الاراء بالانجليزي
اللي ابي اخبره للناس ان المنتج لا يصنع المعجزات وانا حبيت انبه الناس لان الاعلان محطوط في واجهة الموقع الالكتروني لجريدة الخليج
Zerona fat lazer – 20 treatments, no results – Zerona review – RealSelf
Zerona: is it worth it? Before & after photos, results, cost
شـكــ وبارك الله فيك ـــرا لك … لك مني أجمل تحية .
سعره في امريكا 2000-2700 دولار عندنا يحولو المبلغ بالعملة المحلية لا خصم ولا هم يحزنون
السعر مبالغ فيه مقارنة بالنتائج
أخوي أستعمل هذا الجهاز بس مب في الأمارات كان في الأردن ولمده شهر ونعم ينقص شوي من الوزن بس لازم أتكون تمارين خفيفه بعد أستعمال الجهاز وشغلت الجهاز أنه يحفر الشحوم المتركزه في هاي الأماكن للذوبان بعدين مع التمارين الخفيفه أنت تحرقها بنتيجه اسرع بس الحين تعال أنشوف فرق السعر في الأردن (عمان) الجلسات مدتها شهر كامل أسبوعيا مرتين والسعر لكل جلسه 200 درهم إماراتي والشهر ب 1400 درهم إماراتي لاكن عدنا في الأمارات أنا بنفسي ساأل في عياده في الشارجه قالو أن الجهاز يديد في الأمارات وموجود عندهم سعرهم بالأف حدود 8 إلى 9 ألاف ولا يوم قلتلهم أن ليش غالي برع البلاد أرخص ردو على قالو نحن بنجوف أستيعاب الناس للسعر لأنه هني ماعندهم مشكله وبعدين يمكن أنقلل بالسعر .,, بالأفظل لا تستعملونه لأنه مايسوى عليه هذا السعر أستوي رياظه كل يوم نص ساعه وبيخف الوزن وببلاش .,,