السلام عليكم ..
شباب بخبركم سالفه ..
البارحه ساعه 11 رديت من دبي و عبيت بترول ف الواحه اللي عدال بيتنا ..
الهندي اللي عبالي بترول .. والله معرق من الخاطر و تعبان و مكروف …
طبعا تعرفون صيف و حر و رطوبه .. و الف موتر فالواحه و كل موتر يزيد الحراره ع كيفك و الهندي المسكين يشتغل ..
المهم رديت البيت و شغلت المكيف و رقدت الحمدلله و قمت عل فير و صليت .. و عقب الصلاه تقريبا ع ساعه 5 .. روحت اعبي السياره بترول لنه كنت طالع ب سيارتي الثانيه …
حصلت نفس الهندي موجود و عبالي البترول …
الصراحه ..
يعني طول الوقت انا راقد و مريح و مبسط و هالهندي يشتغل *_*
احنا نقول البترول غالي .. والحياه صعبه .. وكل شي مب اوكي ..
و اصلا كل واحد يرقد ف بيت الحمدلله و شي كهربا و ماي و يرقد و هو مرتاح ف شبريته ..
و هالهندي المسكين يكرفون اصل اصله و اخر شي يحصل كمن الف و يقول الحمدلله …
انا اقول الواحد يوم يروح يعبي ولا شي .. يخطف عل دكان ولا الواحه الموجوده فالمحطه و يشتري ماي ولا عصير و يعطي حق الهندي اللي يعبيله بترول و ياخذ اجر و الهندي يدعيله بالخير و حتى الواحد يوم يسوي هالشي يحس انه سوا شي اوكي
و حتى تقدرون مثلا يوم تروحون تصلون الظهر ولا العصر او حتى سايرين الدوام الصبح .. تشوفون العمال فالشوارع مال البلديه او اي شي اللي يشتغلون فالشمس .. تعطونهم غرشه ماي او عصير او او او …
ما تدري هالشي اللي تسويه كم بينفعك ف اخرتك ..
اتمنى كل حد يقرا الموضوع و يستفيد منه .. يعلم غيره عسب ياخذ اجر هو بعد
والسموحه منكم
جزاك الله خير وكثر الله من امثالك
جزاك الله خير وكثر الله من امثالك
شـكــ وبارك الله فيك ـــرا لك … لك مني أجمل تحية .
فعلاً كثيراً من اللذين نشاهدهم في الشوارع يكسرون الخاطر ويغمضوونا
الواحد قد مايقدر يساعد المسكين والمحتاي والحمد لله نحنا بدولة فيها الخير وهذا من فضل الله علينا
فكرة رائعة وكلها انسانية
أهم شي إن نحس بغيرنا ودايما نقول الحمدالله على كل الخيرات
جزيت الجنة أخوي على هاذي التذكرة
شـكــ وبارك الله فيك ـــرا لك … لك مني أجمل تحية .
مجرد رأي
في اوروبا و الدول المتقدمة يقوم صاحب السيارة بتعبئة سيارته و من ثن الدخول للكاشير ليحاسب .