بدخل فالموضوع ع طول
ولد جيراننا عينه حارة ..
والله دوووووم ابتلش يوم يعجبه اي شي عندي تقريبا !!!
من فتره الحينه النيسان عندي و كل شي فيه اوكي
امس طلعت وياه و كنا نشل شويه عل دوار ..
المهم يالس يقول يلعن ام النيسان والله انه فنان و و و …
ونفس اليوم اسمع صوت من المكينه .. احس جني اسمع حتى صوت البساتن من كثر الاصوات اللي تطلع من الموتر ..
واليوم ادق الموتر سلف و ما يشتغل
والله 
مب اول مره هاي .. وااااااااايد مرات قبل ..
مرت اذكر كنت مركب زنون و يالس اديمله .. يوم نزلت عنده قال يلعن ام الزنون من وين مركبنه .؟
المهم مشيت عنه و بعد 5 دقايق وصلت البيت والزنون ما يشتغل …
و وايد مواقف ..
يعني يوم اركب الموتر انا اقول دعاء الركوب +
” اعوذ بكلمات الله التامه من كل شيطان و هامه و من كل عين لامه “
مادري اذا في شي ثاني اقدر اقرأه ولا شي عسب العين والحسد او لا .!!!
و اي حد عنده كلام مفيد ياريت يفيدنا لنه اظن وايد شباب مروا ب نفس تجاربي ..
سوري ماعرفت وين احط الموضوع والمكان المناسب له
ههههههههههههـ
حالتك صعبه ياخوي
الله يعينك عليه بس
يوم بضربه بيقوله مب ايد عليك .. عنبو .. ساطور ..
و حزتها بروح فيها …
هههههه حلوه هي خرب الاشاره
ممكن اتقولي رقم موترك عسب اكون بعيد عنك ههههه اول ما اشوفك اسير شارع الثاني هههه يمكن اربيعك وياك
تعرف شو …
قوله قول ماشاء الله اول شي قبل كل شي
سؤال ؟؟
انت دوم وياه اتكون
اذا دوم وياه اصفعه على راسه عسب يتذكر كلمة ماشاء الله اذا نسى يقول
انا كنت اسوي في اربيعي هههههه خليته يندم على انه ما يقول كلمة ماشاء الله
لين ما اتعود م نكثر ما انضرب هههههه مره ضربته جدام ابوه ههههه
رد علي ابوه ليش تصفعه ؟؟ قلت صفعته لانه ما يقول كلمة ماشاء الله يوم يشوف شي
عليك به ههههه اصفعه عسب يتعلم بس مب تصفيع هههههه و طراق
ضربه خفيفه على الراس عسب تذكره على الطاير هههه
السلام عليكم ورحمة الله وبركاته
العين حق والموت حق
والاحاديث الشريفة كثيرة بخصوص العين والحسد
بــــ ورد يومي مثاااااال : ورد المسلم والمسلمة لعائض القرني
الله يكفيك شر الحسد أن شاء الله
المشكله انته تعرف كيف سوالف الشباب
لو حد خطف عليهم مسرع يقولون ” داعس مليوووووووووووون “
ولا عنده رقم حلو يقول ” والله بطرااااااااااااان “
يعني تقريبا كل جمله يقولونها فيها مبالغه و لعان .. مثلا يلعن ام الموتر والله حلو ..
…. يلعن شكلك والله انك اوكي … و على هالموال ..
طبعا انته لين متى تتم تخليه يقول ماشاء الله !!!
كل جمله فيها مبالغه و لعان و سب