السلام عليكم .. شباب شحالكم و شخباركم .؟

تعرفون موتري الجديم اللي هو لومينا ls 2007

طبعا الموتر لونه رملي و ناقع من الخاطر و هاي هي الصورة

المهم قلت اشتغل عليه شغل خفيف حبتين و عدلته و هاي الصوره

و عقب فتره سويت حادث و سويت بولش كامل للسياره و شليت الجلاد و حطيت نفس لون الجلاد بس بو لمعه و طلع خايس ..

المهم الحينه ابا احط جلاد كامل للسياره ب لون حلو و مميز شوي لكن مب شي مبالغ فيه .. لنه عندي موتر ثاني و هالموتر اباه يعني عسب اطلع الاهل و جي … يعني شغل مرتب و نظيف ..

انا شفت نفس اللومينا لون معطنها جلاد ابيض ميت و رنقات و طالع وايد حلو الصراحه ..

و شفت لون رمادي بس صبغه الوكاله و وايد حلو ..

الحينه محتار بين الابيض و الاحمر .. ( ميت طبعا ) بس ما شفت الاحمر لين اليوم

ف لو اي حد عنده صور للسياره معدله ولا شي ولا تخطيط حلو ياريت يحطها فالموضوع + ابا ارقام محلات شغلها نظيف حق الجلاد + ابا البس الموتر كااامل من داخل بدون السقف ..

بخصوص الجلاد الشباب نصحوني ب محل ف عيمان و شغله مضبووووووط و رخيص .. ب 1800 درهم و ضمان سنتين ..

الحينه باقي التلبيس من داخل انا محصل ب 1400 …

ف ياريت ما تبخلون علي بالصور للسياره و هي معدله و محلات للتجنيد و ارقامهم و اذا حد شاف نفس السياره ب ديزاين حلو ياريت يفيدني ..

19 thoughts on “×… جلاد للسياره + تلبيس من داخل …×”

  1. ادمج بين الابيض مات + كربون فايبر في الجامات المدقار من تحت في الجناح من ورا اذا في
    تلبيس عندك شامواه في العين كاسره وعادي السعر يوصل 900 الموتر كله ولا 1000 وعندك بعد فوكس

    الغالي بخصوص التلبيس …

    وين فالعين و كم رقم المحل ما عليك اماره .!؟

  2. ادمج بين الابيض مات + كربون فايبر في الجامات المدقار من تحت في الجناح من ورا اذا في
    تلبيس عندك شامواه في العين كاسره وعادي السعر يوصل 900 الموتر كله ولا 1000 وعندك بعد فوكس

  3. بالنسبه للديزاين.. مثل ما قلت سولك شي خفيف وحلو بدون مبالغه..

    وأنا في رايي.. الأبيض مع الأسود (ميت) أو الأحمر مع الأسود بيطلع وايد حلو..

    أنا شفت x6 ابيض فأسود.. بصراحه طالع وايد حلو..

    ومثل ما قلت للأخ خيماوي77 .. محل gm في عيمان شغله حلو ومرتب.. وأسعاره معقوله.. بس مثل ما قتلك.. السعر 1400 – 1500 لا يزيّد عليك!

    أما بالنسبه للتلبيس.. أنا مجرب محل الوكيل (في الشارجه ورى مدرسه الشويفات).. شغله حلو ولكن أنا ملبس موتر البيت جلد.. ما عندي فكره عن الشمواه.. بس أعتقد بيكون شغله نظيف بعد..

    الرنقات.. أنا نزلت موضوع أستفسر عن الرنقات التجارية.. وبصراحه محّد نصحني من الاخوان.. كلهم كانوا ضد شي اسمه رنقات تجارية.. وعن تجربة،، فغيرت رايي.. وقلت أتم على رنقات الوكالة أبركلي..

    بالتوفييق.. والسموحه هذا إللي أعرفه d:

    مشكور يالغالي ما قصرت … و اتريا ردود باقي الشباب *__*

  4. بالنسبه للديزاين.. مثل ما قلت سولك شي خفيف وحلو بدون مبالغه..

    وأنا في رايي.. الأبيض مع الأسود (ميت) أو الأحمر مع الأسود بيطلع وايد حلو..

    أنا شفت X6 ابيض فأسود.. بصراحه طالع وايد حلو..

    ومثل ما قلت للأخ خيماوي77 .. محل gm في عيمان شغله حلو ومرتب.. وأسعاره معقوله.. بس مثل ما قتلك.. السعر 1400 – 1500 لا يزيّد عليك!

    أما بالنسبه للتلبيس.. أنا مجرب محل الوكيل (في الشارجه ورى مدرسه الشويفات).. شغله حلو ولكن أنا ملبس موتر البيت جلد.. ما عندي فكره عن الشمواه.. بس أعتقد بيكون شغله نظيف بعد..

    الرنقات.. أنا نزلت موضوع أستفسر عن الرنقات التجارية.. وبصراحه محّد نصحني من الاخوان.. كلهم كانوا ضد شي اسمه رنقات تجارية.. وعن تجربة،، فغيرت رايي.. وقلت أتم على رنقات الوكالة أبركلي..

    بالتوفييق.. والسموحه هذا إللي أعرفه D:

  5. و تسوون خير لو بالمره تشوفولي رنقات حلوة و تحطولي صورهن ..

    بس ابا اعرف اذا حطيت رنقات 17 مثلا .. بيفرق فالموتر و بيطلع مشاكل يعني .؟

    الحينه عليها 16 .. و ناوي اركب 17 ولا 18 …

Comments are closed.