Lexus LS 430 وارد × خليجي ( المشكلات و المميزات )

السلام عليكم والرحمه

شحالكم اخوانه

قبل ايام اخترب عندي الكمبريسر لسيارتي Lexus LS 430

طبعا الخراب كان مرتين وليس مره وحده

اول مره اخترب قبل شهر ونص تقريبا

و سرت اشتريت الكمبريسر المكيف تقريبا بـ 2900 درهم وكاله تنصيع اليابان

طبعا المعروف السامان القطع من كمبريسر ولا لاديتر و غيره ما عليه ضمان ولا يوم ولا نص ساعه

المهم

رحت صلحت السياره وهذا لشدت غبائي صلحته عند واحد كان اشتغل في الوكاله في السابق

لكن ما عنده السامان المطلوب فصله اي كلام و عطاني قرنتي اسبوع

وبالفعل الموتر كمل عندي اسبوع ونص بدون اعطال ولا غيره

بعد اسبوع ونص بديت اشوف الموتر يحر و المكيف شيء فشيء ما يبرد

بعد اسبوعين بالضبط اختفا شيء اسمه اجواء لطيفه كله عرق : ) و اخترب الكمبريسر

و هالمره رحت راس الخيمه صوب محل اسمه 1 Stop

محل معروف متخصص في الكمبيوترات وكهرباء السيارات الوارد وحتى الخليجي

رحت عنده و قالي عندك اعطال في الوايرات الخاصه بالكمبريسر السامان الي محطاي لك

كله غش يعني ولد الذين الي صلحه قبل لفق تلفيق وحط اي كلام و الله لا يسامحه بس بغيت اشوفه

حزتها كنت شو بسويبه

المهم اخواني

الريال راعي Stop 1 خبرني ان حتى اللاديتر خربان ورحت اشتريت لاديتر بـ 1200 درهم وكاله صنع اليابان

المهم اخواني

خلاصه الكلام

الموتر الحمد لله و لله الحمد و الشكر

تعلمنا درس

الوارد

له اختصاص خاص

يتميز بـ كمبيوتر و بدي و اجهزه خاصه ببلدان

مثلا كاليفورنيا تشابه اجواء الخليج تقريبا و الي يحصل موتر من كليفورنيا اكيد راي يشوف فرق
بين الموتر من هناك وبين باقي الوارد

المهم

الخلاصه

الي يبا يشتري وارد

يشتري بس عليه يفكر في شي

1- تصليح الوارد باهظ الثمن خاصه اذا كان من فئه الصالون و الكمبيوتر و به مميزات تكون اكثر عن الخليجي

2- شيك موترك بجدول من فتره فالاربع اشهور مره عشان تعرف الاعطال الكبيره اول بأول

3- صلح عند ناس خبره و ثقه و اسأل قبل لا تهلك عمرك لان اجهزه الكمبيوتر بلا وتحتاج موازنه كهربه وغيره

4- الوارد مب صعب انك تخليه سنين وياك بس عليك بنظافته و عن تركيب السامان التزويد عليه لانه يعجل في خراب و عدم تحمل بعض الوايرات للتزويدات

الخليجي

انا ماجربت خليجي لكن

الي اعرفه ان اعطالها تقتصر ع السفاير و اعطال بسيطه ما توصل للكمبريسر و غيره

الخليجي نظيف لكن هذا ما يقلل من الوارد

الخليجي والوارد نفس الشي لكن يفرق الاستخدام و الحاله السابقه للسياره كان فيها حادث ولا غيره

المهم اخواني

نصيحه من خويكم جرب و تمشكل وعرف

تصليح الوارد حتى لو كان سفاير يحتاج ميزانيه كمبيوتر

السفاير في الوارد لها جهاز حساس اعتقد اسمه حساسات الاعطال في التاير

حتى نسبه الهوى في التواير في لكزس 2003 وفوق اذا هب غلطان موجوده وهذي تبا

تضبيط من الكمبيوتر

لا تبخل ع عمرك توديه ناس تتوفر عندها اجهزه خاصه بالوارد والخليجي

لكن

عتبي والله ع وكاله الفطيم وقسم بالله

سرت لهم و ردوني قالي الي ع الاستقبال بالاول رحب فيني وقالي تصليح حاضرين

لما قلت له وارد تغير ويهه وقالي لا ما نقدر نصلح وارد بس نشيك

قلت له نفس الشركه قالي لا كلم المسؤول يمكن يوافق ( يمكن هاه والله يرحمنا برحمته )

ما قول غير حسبي الله عليه من ظالم

ع العموم الحمد لله الخيره في شبابنا ما قصروا صح يصدرون ويوردون سيارات من برع

بس في ناس فاهمه لحاجيات السوق و فاتحين محلات افضل من الوكاله نفسها

وناس تشتغل بذمه و ضمير

في اماكن احسن من الي قالوه لي الاخوه

كراج عثمان وغيره

في فرع لوكاله البهوان في دبي لكن مب مذكر اسمه وموقعه

و في عندك هذا Stop 1 في راس الخيمه بصراحه خلصولي الموتر خلال خمس ساعات

لاديتر و تنظيف بيبات داخليه و تركيب كمبريسر وبرمجه كمبيوتر

الحمد لله والشكر

نصيحه ونصحتها لكم

الخليجي و الوارد ما يختلفون لكن يختلف اسلوب الاستعمال و نضافه الموتر في السابق

و عليكم بناس ثقه

واسأل قبل لا تشل موترك عند حد : )

والسموحه وشكرا للاخوه لي نصحوني و ارشدوني

والسموحه

اخوكم

جرناس