السلام عليكم ..
جماعة اسمحولي هالموضوع مش موضوع بيعه ..
لكن بغيت استفسر من اصحاب الامريكي والسي تي اس
انا عندي واحد ماخذنه ايديد .. وعندي ار 8 … الار8 مع انه اضعف لكن من العشرين .. او الستين يكون جدام لي ال200 … والسبة حراق السي تي اس …
شو الحل معاه ؟ يعني هل ابدل تواير او في شي لازم اسويه بخصوص التركشن ؟
لانه ابداً مايثبت يلعب لي 100 !
سو ريس بريك عالخفيف لين مايحر التاير وجرب عقب وشوف ههههه انا عندي حاليا تندرا باب واحد عليها سوبر وماتنقبض من القومه كله حراااااق .. اسير اسوي ريس بريك عالخفيف عقب ادووس مع الشباب
مرحب
المشكلة قياس الرنقات 19 .. وماشي نيتو بهالقياس
اليوم خبروني عن خلطة
اركب مشلن ps2 جدام
و ممشلن سوبر كب سيمي سلك ورا ..
بجرب وبرد عليكم خبر..
انا شراتك انا عندي srt كرايزلر ومتلعوز من القومه اتم تحرق
تواير المصنع ماتنفع وشرات ماقالك اخوي ولد البلاد خذلك تواير نيتو سيمي سليك
والتراكشن اللي هو esp اذا بندته بيتم يقفل العليك ومابتقوم السياره بكل قوتها
وانا شكلي ببدل التواير
سرت مكالة النيتو وراووني احسن تاير حق موتري والاربعه بـ 3400 ربيه
اذا بندت التراكشن بيضيع المشي .. و بيتم يقفل عليك … وراعي الأودي بيسويلك باي باي .
احسن حل ..تبدل التواير … والحل الثاني ..وقت الريس لا ترايس على الواقف .. الحين الريس كله على الماشي .. من 60 مثلا .. و ارقد على ريسه …
بند التركشن نسيت شو اسمه بالأنجليزي .. مانع الأنزلاق .. عسبت يقفل ومايحرق
وبدل التواااااااااير
لو موترك يحرق وااااااايد … احسن تواير النيتو …………. ( نص سلكس ونص عادي ) ينفع استخداااااام يومي للشوارع
جربها ورد لي خبر لو حرق مره ثانيه