بإختصااار شديد,, انا اشتريت بي ام 740 2009 الجديدة
طبعا من اول يوم طلعتها من الوكالة اختربت ووقف كل السستم اللي فيها ماطالع يشتغل شي ابدا
وبعدين تبند في الخط وما تشتغل واضطر اشحنها للعين
الوكالة تجهل سبب العطل ورفضت تبديل السيارة لانهم حرامية الله لا يسامحهم
اشتكيت في المكتب الاقليمي وما سوولي شي
اشتكيت عند المدير العام (آرنو) الحرامي وماسوالي شي بس وعوود كاذبه
واستمريت على الحالة نفسها لمدة 6 اشهر
واخر شي بعد السيارة وافتكيت ولله الحمد
وانصح كل من يبا يشتري يبعد عن البي ام لانه خدمتهم زبالة والكلام اللي يقولونه اول ما تشتري السيارة يختلف 180 درجة بعد ما تشتريها
لايقصون عليكم ويقولون سيرفس 5 سنوات,, صحيح سيرفس 5 سنوات بس تاكدوا انه 4 سنوات السيارة بتم في الوكالة من كثر الخراب وفوق هذا الخدمة تعبااااااااااااانه وكله كذب في كذب
والسموحة ,,كتبت الموضوع بسرعة واي استفسار انا حاضر
السلام عليكم ورحمة الله وبركاته
انا ربيعي شاري x6 وكل شوي يشتكي من خراب بس من يردها الوكاله يصلحونه او يبدلون ما اشتكى من الخدمه بس اشتكى من الخرابات
البي ام 750 مول مب شي ماتتقارن مع الـ s كلاس
البنز لا يعلى عليه
كيف تودر الـ s وتسير صوب البي ام؟
وهاي والسيرفس اللي يرمسون عنه الربع ماتفيد
صح ضمان المرسيدس اقل بس خراباته اقل
اول شي شكرا على المشاركة الطيبة
ثانيا اريد اعرف على اي اساس تقول انه البي ام عالميا الثالث في اقل الخرابات؟!!
ما اقول غير الله يوفقك ولو اشتريت بي ام شوف بنفسك اذا هي اقل خراب ولا اكثر
وتمنياتي لك بالتوفيق
اخــوي حبيـت اوضـح لك هالنـقطه :
في مـسؤوله فـدائره حمـايه المـستهلك تـكلمت مـره عالاذاعـه فـبرنامج عـقب سـالفه المـطر
ان وزاره الاقـتصاد حددت القوانين والنصـوص مع شـركات التأمين بخـصوص الكـوارث الطبيعيه
وانـا قريت العـقد اللي وياي واللي هـو شـامل ان التـأمين يـتكفل بـأي اضـرار تخـلفها الكـوارث الطبيعيه مثل .. الفيضانات .. الاعــاصير .. الـبراكين .. الـزلازل والحـمدلله مافي اي شـي من هالكـوارث فالامــارات مـب ( تــجمعـات المـياه )
وشــكرا .. ان شـاء الله انـي اكـون اتـوفقت فالـشرح