!!!!!__استفسار ودي دموي .. بخصوص عملية الليزك__!!!!!

19 thoughts on “!!!!!__استفسار ودي دموي .. بخصوص عملية الليزك__!!!!!”

1. ابراهيم الشامسي ,, غالي الأثمان ,, الإعلامية

   مشكورين على نصايحكم الطيبه وان شاءالله في ميزان حسناتكم ..

   وان شاءالله بستشير كم من واحد هب شخص واحد

   وقبل هذا كله بصلي الإستخارة اليوم ان شاءالله وبتوكل على الله

   يالله حيهم الحلوين

2. انا أخذت موعد في المستشفى الايراني .. شورايكم فيه؟؟

   حد جرب من قبل عندهم ؟؟..

   واتمنى أعرف الفرق بين الليزك والانترليزك ؟؟..

   السموحه من صاحب الموضوع قلبت الموضوع استفسارات..

   لا والله بالعكس أنا مسوي هالموضوع لي ولج ولكل شخص يبا يستفسر في نفس الموضوع

   أنا بحاول اجاوبج باللي قريته فالموقع بس

   الفرق بين ها وها ان اإنتراليزك جهاز يديد متطور وتستوي العمليه بدون اي قطرة دم وبسرعة .. يعني دخلتج وطلعتج من عند الدكتور على كلامهم في 10 دقايق

   بس اظني لها حسابات ثانية بعد في الفرق بينهم

   ان شاءالله حد يفيدنا ..

   يالله حيها

3. انا عندي موعد ويا دكتور كمال فمستشفى زايد العسكري الشهر الياي

   دكتور ثقه ويمدحونه

   ان شالله اسوي العملية وفتك والله اني عااايف النظاره

   أنا بعد ابا اسويها عالشهر الياي مب هالشهر

   عشان ارتب موضوع الإجازة بعد خخخخخ

   تقوم بالسلامه ان شاءالله .. خبرنا تطورات الموضوع عندك

   يالله حيه

4. الحينه في البيت ويوم أقرأ وع الكمبيوتر ما ألبس نظارة وأشوف زين
   لكن يوم أظهر من البيت ويوم أسوق لازم نظارة لأن النظر مايكون واضح

   يعني عندي قصر نظر
   

   لكن إذا سويت ليزك في عين وحدة بيكون نظري 100% يوم أظهر من البيت
   ومابحتاج نظارة في السفر مثلا

   لكني بحتاي لها يوم أقرأ فقط
   

   وكان يقول لي الدكتور في قصر النظر ماينفع الليزك
   ولا جان بنشوف حسني مبارك وجورج بوش الأب يقدرون يقرون بدون نظارة
   صدق هذا كلامه الدكتور تامر في الأسباني

   يعني باختصار إذا عندك قصر نظر بس بيسوولك ليزك في عين وحدة عسب تشوف من بعيدبها
   وبيخلون الثانية عشان تقرا بها بنظارة

   أدري إن كلامي يخربط الواحد بس حاول تسأل الدكتور عن كل شي وبدقة

   أنا فهمت قصدك

   أنته قصدك على “طول النظر” يعني الشخص اللي يروم يشوف الشي البعيد ومايروم يشوف القريب مثل الكتاب وغيره

   أول سؤال لك .. كم عمرك ؟؟

   لأن هاي عادة ً تيي لكبار السن يعني من 40 وفوق أظني
   
   عالعموم انا عندي موعد معاه يوم الإثنين الياي وبشوف شو يقول .. وبخبرك

   يزاك الله خير

   يالله حيه

Comments are closed.