!!!!!__استفسار ودي دموي .. بخصوص عملية الليزك__!!!!!

19 thoughts on “!!!!!__استفسار ودي دموي .. بخصوص عملية الليزك__!!!!!”

1. انا سويتها في مدينة دبي الطبية من 3 سنواات تقريبا
   والحمدلله كانت ناجحة وانصح من تتاح له الفرصة انه ما يقوتها
   كان الدكتور عراقي متخرج من بريطانيا اسمه عمار معاه طبيب روسي

2. مزروعي بوظبي … تخبر اكثر عن العمليه … انا سويتها في عيادة رؤية دبي مقابل السيتي سنتر … و حمدلله النظر 6/6
   لكن قاكت تطلع المشاكل … اول شي انه عيوني يحمرن بسرعه يعني يبين السهر و اذا مب شبعان رقاد .. و ثاني شي الليت القوي يعشيني .. لدرجة اني ما اروم ابطل عيوني مرات يوم اسير اصلي الظهر … الله يوفقك ان شاء الله بس تخبر عن هاي الاعراض

3. نصيحة اخ اخوي

   هاي العين والعين جوهره ،،

   حاول تسوي 3 فحوصات عند دكاتره مختلفين ،،

   هاي عين مب خساره فيها ،،

   انا انصحك اتسير المركز الطبي << شي جيه

   على شارع جميرا ،، عندهم الدكتور العراقي << يكفي يوم يسوي لك الفحص يسمي بالله

   و سو في المغربي الي في المدينه الطبيه ..

   وترى عندك مستشفى دبي .. يمدحونه خصوصا بعد ما فتحوا قسم لليزك او الليزر

   و في النهايه استخير

   انا لين يومك ما سويتها عندي انحراف في النظر و بسويها عقب ما اكمل 21 سنه ،،

   والعمليه ما تخوف ،، وبسيطه
   و اسال الدكتور عن الاشياء الي تترتب عليها

   و بالتوفيج

   ولا تنسي الاستخااره

4. 
   حد جرب من قبل عندهم ؟؟..

   واتمنى أعرف الفرق بين الليزك والانترليزك ؟؟..

   السموحه من صاحب الموضوع قلبت الموضوع استفسارات..

   (ما هو الفرق بين تقنية الانتراليزك الحديثة وعمليات الليزك التقليدية التي كانت تجرى سابقا؟ )
   

   يمثل استخدام تقنية الانتراليزك في تصحيح عيوب الإبصار ثورة علمية وإنجاز حقيقي لكونها تتفوق على تقنية الليزك التقليدية ففي السابق كان يتم تجهيز القرنية لعملية الليزك بطريقة ميكانيكية لعمل غشاء رقيق على سطح العين يتم تحته العلاج بأشعة الليزر، أما الآن وبعد اختراع جهاز الالتراليزك الذي باستطاعته توليد ستين ألف ذبذبة في الثانية الواحدة، أصبح بالإمكان إجراء جميع خطوات العملية بواسطة الأشعة المبرمجة مسبقاً بواسطة الكمبيوتر بدقة كبيرة وهذا يؤدي إلى إيجابيات كثيرة أهمها درجة أمان أكبر، دقة متناهية في العلاج، سرعة التئام ممتازة وبالتالي سرعة شفاء عالية وتصحيح لجميع عيوب الإبصار. )

   
   

5. مزروعي بوظبي

   اول شي سلامتك وما تشوف شر … هذا كله من العرس ( ان كنت معرس ) او انك دحيح دراسه ( ان كنت تدرس ) وخاصة الحسابات والامور المتعلقه بالارقام ( ان كنت تحب الارقام )

   ثاني شي شو تبا تسوي العمليه ؟؟ شو السبب؟ لازم تحط اهدافك القريبة الاجل والبعيدة الاجل وتحسبها حسبه عدله وتشوف شو الاصلح لك … وانت قيسها بمقياس ذو مكيالين ( حلوه هذي )

   ثالث شي وانا خوك ولا تخبر حد : ( اخوك دكتور بروفيشنال ) رقم ايك ( يعني واحد بالهندي وانت افهمها ) اعرف في هالسوالف العين والخشم والاذن واذا تبا تغدي طويل فالك طيب عندنا العلاج *_____^

   اتمنى انك تسمع كلامي وتحجز موعد عندي وفالك طيب عقب خبر الاعضاء في المنتدى عن شغلي السنع ( ان امداك تخبرهم )

   المهم انا في انتظارك .. موعدنا قمة جبل حفيت *__________________^

   يالله حيهم الحلوين

Comments are closed.