السلام عليكم ورحمه الله وبركاته
اليوم اعطيكم عصاره معدتي قصدي خبرتي
1- لا تحاول الكذب على المرأه فإنها ستعرف انك تكذب من صوتك
( طبعا المرأه حاطه رادار و مجسات و اجهزه الاحساس بالزلال تكشفك على طول يعني اذا اتوهقت تم كح 24 ساعه عشان ما تنكشف و دوم قول انك مزجم عشان ما تنكشف واذا حسيت انك خلاص انكشفت ازغد عمرك ودوخ 
)
2- – لا تهمل المرأه وهي في قمه حاجتها لك
(( طبعا المرأه في قمه الحاجه يعني انته مالك شغل في هاي الدنيا بس الا عشان اتشوف حاجتها .. وياويلك ويا سواد ليلك لو قصرت ..يعني عشرين سنه و انته تخدمها و اتشوف طلباتها بس تعال يوم واحد من العشرين سنه و لا تسوي بتكون على طول مقصر و اناني وما اتفكر الي في نفسك خخخخخخخخخ
3- – لا تسألها عن مدى حبها لك إلا عندما تعبر أنت عن حبك لها أولاً
(( طبعا ايلس صارخ طول الوقت انك اتحبها لين هي تتكرم و طبعا ترد عليك … )))
4- لا تضايق المرأه فإن قلبها كالزجاج إن إنكسر فلا يعود لحالته السابقه أبداً 
(((يعني اذا انكسر الزجاج بتم تشرشحك بالاسابيع و الشهور يعني بتم منقرد طول حياتك و بتعايرك انك زعلتها ولو حتى لو يبت لها لبن العصفور مثلج 
))
5-إن ضحكت المرأه فعلم أنها إرتاحت لك 
(( طبعا اخر الشهر بشوف ضحكتها واصله لين الشارع…يعني يا بو الشباب المعاش طار ))
6-إن إتصلت بك فعلم أنها كانت حزينه وأنها أرادت أن تسمع صوتك لترتاح حتى لو لم تعبر عن حزنها
(( طبعا انته ايلس اسمع الونان شغال 24 ساعه و اياك اتقول اي مخالف لها .. ودوم قول لها انتي الصح و الباجين غلط…………واياك اتقول انك فرحان … وااذ مليت ادعم اي سياره جدامك اذا كنت اتسوق و قول لها مشغول تراني دعمت بالسياره
)))
7-من الصعب على المرأه ان تعبر عن ضيقها فإن نزلت من عينيها دمعه فعلم أنها بأشد حالات الضيق
((( عدال …… اذا ضحكت صاحت و اذا حزنت صاحت واذا عطست صاحت واذا ياعت صاحت واذا شبعت صاحت واذا حصلت ترقيه صاحت واذا شافت ويها ي المنظره صاحت واذا صاحت صاحت يعني لولب ماي منطر 24 ساعه …. الريال المسكين اذا صاح يعني خلاص واصله حده عنده ))
اخر شي
إعلم أن إن احبتك المرأه فإنك ستعيش في سعاده أبديه .
( اذا كان حد داعي عليك ومسود ويهك في الدنيا خل حرمه اتحبك .)
شرررررررده
اكبر شررررررررررررررررده
هلا هلا هلا هلا
خخخخخخخ
الموجه الثانيه بتسفرني سويسرا للابد
الحينه بصبح عليك بالبلاك بيري
انا اروم ما اصبح على الصوت
الحينه بيوصلك طنق طنق
خخخخخخخخ
تحياتي
عيل تصيح من الفرحه
وتصيح اذا شي حر
واتصيح اذا ما لحقت التنزيلات
واتصيح اذا اربيعتها اشترت سياره احلى عن سيارتها
واتصيح اذا بندت الكهربه
واتصيح اذا طافت الحلقه
واتصيح اذا النت بطي
واتصيح اذا محد واعها
واتصيح اذا زاد وزنها
واتصيح اا ما خلصت العباه
واتصيح اذا شافت قطو ماشي
واتصيح اذا طاحت في الزحمه
اتصيح اذا الكيبورد متيبس
واتصيح اذا شافت عمرها اتصيح
واتصيح اذا ماشفت عمرها ما صاحت
ياربي
يقول فيلسوف صيني كان يالس فوق جبال الهملايا .. و ياكل حماض …. قال … الزنبقه المره في داخلها حلزونه بيضه
ما يخصني الفيلسوف الي قال
بس
يقولون انه ازحلق وطاح من فوق الجبل بعدين
و السبب قشره موزه كانت امرأة ماكله نص الموزه و فرت النص.. مسويه رجيم
خخخخخخخخ
شررررررررررررده
مشكور عالنصايح….احلى شي تحليلك المنطقي لووول
كيف حالك دختور جت بي بي ؟!! … نصايحك على الموجه الثانيه أحلى هع هع هع
تشكراااااااااااات
عيــــــــــــــــل شو خــــــــــــــانت الريااااااااااااااااال ..لازم يسمع .. وقوووووووول ان شاء الله .. فالج طيب .. تامرين امر ..
الحرمه تخدمه بيدها و ريولها .. وهو يقووولها سويلي .. و سويلي .. و طلباته اللي ما تخلص … المكسينه الحرمه لين وقت الرقاد .. بنجرت
يعني مثل هااااااااااااااااااااااي فقيره …