اولا قبل كل شي
قولوا
ما شاء الله تبارك الله
)ارجع فوق اذا ما قلت 
خلاص الحين تقدر اتكمل 
ادري اذيتكم..بس يالله تعبان عالصورة والموضوع يستاهل 
المشاركة اليوم غير عن كل المشاركات (
يلا خلصنا ادخل في الموضوع)مشاركة بصورة غالية جدا علــي
الصورة اللي بتشوفونها اتصورت قبل 24-25 سنة تقريبا
طبعا كانت ضايعة من كم سنة بحكم اني انتقلت مرتين ..دورتها قبل فترة وما خليت مكان لين ما فقدت الامل..صدق اتحسفت عليها…..
امس اخوي يا عباله يدور صوره ويشلهم من البيت وياخذهم عنده وحصل هاي الصورة، مع اني دورت بنفس المكان بالساعات..فرزت صورة صورة..وما لقيتها (
الصورة ترجع لــ
للسنة الدراسية الاولى لي شخصيا – الصف الأول في عام 1984
سبحان الله، الانسان لما يكبر تمر عليه وايد اشياء في حياته بعد فترة ينساها وصعب يتذكر تفاصيلها حتى لو كانت قبل كم شهر..الا الاشياء اللي مرت في حياته لما كان صغير وبالذات في السنوات الاولى للدراسة، يتذكر اغلب الاشياء بالتفاصيل كأنه فيلم مسجل في ذاكرته ويقوم بإعادته في مخيلته
شفت الصورة..الحمدلله ذاكرتي ما خانتني وتذكرت عدد لا باس فيهم من الطلاب…طبعا ما التقيت في اي واحد فيهم بعد الصف الثالث والرابع تقريبا لان انتقلنا لمدرسة ثانية، مع عدا واحد بس كان معاي في الثانوية..وواحد شفته قبل سنتين تقريبا في فيديو كليب لاحد الفنانين الخليجيين
طبعا ما بذكر اي واحد فيهم حفاظا على الخصوصية
احتمال حد من اللي في الصورة اتعرفونه او مر عليكم
وعن الحش والتقطيع <====== 
…
Style 84
ما كان يلبسونا بربري وقوتشي
من الحين اخبركم..لا حد يسالني او يخمّن اي واحد انا ====> مستحيل اجاوب (
اذا عرفتوا حد خبرونا
للعلم تم احلال المدرسة قبل كم سنة لاعادة بناءها
اتمنى الموضوع نال رضاكم وهالله هالله بتعليقاتكم
ذكريات جميله اكيد سوال كم واحد من الاشخاص الموجودين في صورة لازلتم مع بعض ؟؟؟
ب
س صراحه موضوع مميز جدا
أظن انتوا اللي مثلتو بمسلسل (( افتح يا سمسم )) ..
هه ههه هه ما شاء الله عليك … يالشيبه …
يعني انت في الصف الاول وأنا بعدني مب على الدنيا ههههه
الله يطول في عمرك … وشكرا ع الصوره وماقصرت
لا والله 1984 بالضبط…لا تكبرنا وايد
مشكور كبيـــر….شرفني مرورك عالموضوع
__________________
.. دون كيشوت ..
1984 ولا 1964 ؟؟