يؤمن بعض الناس بما يُسمّى signs
نقدر نقول عنها
إحساس خفي
إلهام
تكون مثل الوخز البعيد في أعماق الروح
تكون لثواني سريعة
تأتي فجأة
و سُرعان ما تختفي
و دائما تكون للتحذير من شيءٍ ما
البعض تأتيهم على هيئة أحلام أو أحلام يقظة
فهل أحسستم بهذا الشعور
يتميز بعض الأفراد بشفافية عالية للروح و روحانية شديدة
نقدر نقول بصيرة قوية
أو حاسة سادسة مثل مايقول البعض
شو رايكم بهذا الموضوع
و هل تؤمنون بمثل هذه الأمور
و مثال من عندي
تعرفت على شخص عن طريق أشخاص
و صار بينا اتفاق على بعض الأمور التجارية
و قدراً و في يوم من الأيام كان معاي بالسيارة و كنا قريبين من البيت
و الوالدة كانت رايحة مشوار قريب
قلت للوالدة بوصلج ولكن معاي شخص غريب
قالت ماعليه اعتبره مثل ولدي و ركبت الوالدة و سلمت والأخ رد السلام
طبعاً الوالدة جالسة ورى وما شافته
و ثاني يوم الظهر
كلمتني الوالدة وقالت لي ابتعد عن هالريال انا مارتحت له !!!
للأسف ماسمعت كلام أمي
و للأسف هالريال نصب عليي و ورطني بمشاكل
شرايكم !!!
بإنتظار مشاركتكم و مواقفكم اللي تصب في نفس المحور
أخوكم
ضحكتني جملتك الاخيرة
طيب نورنا كيف ادا عند هالاحساس في ميدان التجارة راح تصير غني علشان بالمرة نستفيد
بجد اخوي يكفي انوالله يبعد عنك اولاد الحرام ويبين لك الي يبي مصلحتك ويحبك لنفسك والي يبي يستغلك ويضحك عليك
اللهم امين
في مجال التجاره تتعامل مع الكل الغني و الفقير و مع الابيض السود العربي الاسيوي المسلم المسيحي اليهودي ريايل و حريم اشكال و انواع في هي الخبره اكثر من احساس
مجرد الشخص يتكلم تعرف انه ورا هالانسان بلاوي و ناوي على شي
و بالخبره و التعامل مع شخصيات و تدرس الاسلوب مجرد مايسلم عليك و يبتسم تعرف حقيقه الشخص اذا كان على نياته او ورى هالانسان بلاوي
مايباله دكتوراه بعطيك مثال
اباك اتيمع كل ربعك في مكان و تستاجر سياره فخمه مثلا مرسدس ولا بي ام او شي فخم و سولهم مفجاء قول شورايكم في سيارتي اليديده و هني من نظره كل شخص بتعرف الي بيقولك مبروك و مستانس و الي يعطيك نظره حقد و ابتسامه مب من الخاطر و الي بيسوي عمره مب شايف السياره !
و نرد على السوال الشك مب من الاحساس الشك من طريقه اسلوب الشخص و اذا عاشرت ناس وايدين بتعرف كيف اتصيد هالاشكال بسهوله
لو عندي احساس الام لعيالها في مجال شغلي او التجاره كنت الحين اغنى رجل في العالم هههههههه
يصير مرات انو قلبي مايرتاح لها ماادري مجرد شئ بسيط صدر منها كلمة ولا رد فعل ماعاد ابغي اشوفها ولا اتعامل معاه خلاص حتى معاملة في شئ داخلي رافضها سبحان الله وهالشئ يمكن فيه خير لي وطبعا مايصير لا معى اشخاص معينين موكلهم
وحتى مرات تجيني احلام لاقيها صح اتحققت بالواقع سبحان الله
وحتى بالبيت مرات الوالدة الله يحفظها اقولها هالشخص متلا من عايلة موزين يعني قصدي مارتحت لها يكدبوني كلهم بس بالاخير اطلع انا الصادقة يعني في وايد اشياء اطلع فيها صح
يعني توقعاتي في الانسان تظبط معاي مرات وهالشئ الحمد الله الي بفضله اقدر اميز بين الناس الي تحبني واللي لا وبيها اكون حذرة بكل تعاملاتي معى الاشخاص
والحمد الله دايما بجوف الليل ندعي بانوالله يلاقينا باحسن منا
الله يحفظلك والدتك الكريمة و يرزقك رضاها
فعلاً أخوي، هذه صفة تشترك فيها كل الأمهات، عندهن إحساس قـــــــــوي
بما إنك تاجر
هل صار إنك شكيت بصفقة معينة، و جاك إحساس مو طبيعي
و بالآخر فشلت الصفقة !!!
احساس الام غير سبحان الله
كل ماحس اني مضايق او شي مستوي اشوف الوالده تتصل و اول مارد تقول انته يخيير؟ شوفيك ارمس ؟
يعني متاكده انه ولدها في شي مب طبيعي او مستوي شي
حتى و انا يوعان اشوف التلفون يرن و على طول تسالني تعشيت ؟
احساس الام غييييييييييييير
انا ماقدر احس هالاحساس لاي انسان ولا حتى الاب يقدر هالاحساس بس الام لعيالها
و الدليل انته ارتحت للريال بس الوالده عرفت انه هالانسان بيضر ولدي
مره ثانيه اسمع الكلام انزين لاتعاند ههههه