°۩°°۩°°۩°°۩°.. يا دنيا .. خذي مني بعض ردي ..°۩°°۩°°۩°°۩°

خبرت الوقت و الدنيا .. و انا توي ولد مغرور ..

صغير السن غض العود .. توي مابلغ مدي ..

كبرت و شفت بعيوني .. كيف الحال يلف ويدور ..

لزمت الصمت في قلبي ساكت حافظ سدي

قريت التجربه مرات و حرف التجربة مذكور

حسبت التجربة تلقين و اثر التجربة عندي

عقلت الحال و الدنيا و انا قبل العقل معذور

ولكني غديت اليوم .. ابدل صيفي ببردي ..

تداعت يمي الدنيا يضرب جالها بالسور

سور قد بنيته سنين .. اساساته على قدي ..

وانا قدي صبر صابر و صبري فايض و منثور

اجالد من بغاني بشر و اصفق غدره بيدي

الا يا دنيتي هونك ترى ما ألعن من المخطور

اذا ما حدت الدنيا .. تساوي الموت في حدي

واذا ماجتني الدنيا .. تسأل .. خاطرك مكسور .. ؟؟ ..

ضحكت و قلت .. يا دنيا خذي مني بعض ردي

تبيني اللحين يا دنيا .. انزل دمعتي مقهور .. !! ..

.. و ربي ما انزلها ولو غلطة على خدي ..

!
!
!

انا صبري تعلمته .. قبل اولد بتسع شهور

.. تعلمته وانا نطفه .. ورثته من صبر جدي ..

!
!
!

كلمات / ســـاري