السلام عليكم ورحمة الله وبركاته

شحآلكم اخواني واخواتي عسآكم بخير وتزحرون زين .. أأقصد تفطرون زين ما زين
طبعا مع بدآية هالشهر الفضيل نلاحظ أن الاطفال سواء كانو اخوانكم او ابنآئكم او احد اطفال العايلة الكريمة يحاولون يقلدون الكبآر فالصوم والعبادة وكل شي يحاولون يثبتون انهم كبآر ويتحملون الصيآم وهم أقوياء ومن ورانا ينخشون ويفطرون والا صوم نص اليوم ومن هالحركات .. ايوعون وحليلهم

الله يجعلهم من الصالحين والصآلحات يا رب

النية بريئة والروح طآهرة

….

بنت خالي ” عهآدي ” 6 سنوات قالت لأمها بعد يومين من رمضآن ” ماما , اختآري واحد من ثلاثة يا أصوم , او اصلي , او اقرى قرآن , ما يصير اسويهم كلهم فيوم وااحد ” >>> الأخت على بالها دفعات تقسيط لووووول

أخواني الصغآرية الأفاضل طايحبن ضرابة ويا بعض كل واحد يخش عن الثآني وين وااصل أي جزء فالقرآن عشآن ما يسبقه .. والبكس لازم ينقع كل يوم , ختمو القرآن والحين بدو فالختمة الثآنية الله يستر يا ذابح يا مذبوح

…

شو عنكم .. شو يهآلوتكم وعيآلكم .. عندكم مواقف شآركونا فيها ^^

..

ودمتم برعآية الله

….

بقلم أختكم الصغنونة
الغر الحشيم 2009

9 thoughts on “يهــآلوتنا والشهر الفضيل ..”

  2. يحليلهم صغاريتكم

    عاد نحن بيتنا مافيه صغاريه ..

    انا صغيرونة البيت هههههه

    البارحه حالتي كانت لا تسر لا عدو ولا صديق

    رايحه راده متى بيأذن عطشاانه متى بيأذن عطشانه

    ومن حطوا الفطور قال لي اخوي باقي 10 دقايق

    وانا كل دقيقه اسأل متى بيأذن…وبعدين اخوي عصب و طلع شرار من عيونه قال هاااااج العصير فكينا أذن وخلص الاذان و انتي بعدج متى بيأذن متى بيأذن

    ليييش عصب؟؟؟ ما اعرف

  3. ولد اخويه اصغير صام من الصبح لين الساعه 5 ونص المغرب وما قدر ايكمل طول الوقت منسدح يتريا الاذان وشكله يكسر الخااطر آخر شي فطر وقال خلاآآآآص ما بصوم ابداً هههههههه

  4. أنا عندي بنت أختي الصغيره ,,, مسويه جدول تصوم يوم وتفطر يوم .. واليوم إللي تصوم فيه بتلبس شيله وتغطي شعرها طول اليوم لين ماتفطر.. واليوم إللي ماتصوم فيه لا شيله ولا خرابيط

    تحــياتي ^_^

  5. هذا انا متغربل وياه فالبيت .
    كل ماشافني بظهر من البيت وساير المسيد .
    سمت الحبيب وحط درزن اقلام بمخباه وفي برايه بعد بس ماتنشاف
    ولف الغتره على راسه وقال يالله قوم بنسير . !!!

Comments are closed.